ព័ត៌មានជាតិ

ញៀនស្រាជាប្រចាំ ផ្ទុះទំនាស់ជាមួយស្ត្រីម្នាក់ ទ្រាំមិនបានទាញត្បូងចបកាប់ចំក្បាលរបួសធ្ងន់ ត្រូវប៉ូលិសឃាត់ខ្លួន

កំពង់ស្ពឺ: កម្លាំង​នគរបាល​ស្រុក ​សហការ​ជាមួយ​ប៉ុស្តិ៍​​រដ្ឋ​បាល​សំរោង​ទង​ បានឃាត់ខ្លួនបុរសម្នាក់​(ជន​ល្មើស​​)​ បញ្ជូនមកកាន់​អធិការ​ដ្ឋាន​នគរបាល​ស្រុក​សំរោង​ទង​ ​ពាក់ព័ន្ធ​​និងអំពើហិង្សា​ដោយចេតនា​ នៅ​ចំណុចផ្ទះជនរង​គ្រោះ ឈ្មោះ គឹម ស្រីណេត ភេទ​ស្រី អាយុ​ ១៨ឆ្នាំ នៅវេលាម៉ោង​១២​និង​០៥​ នាទី​ ថ្ងៃទី៣០​ ខែកញ្ញា​ ឆ្នាំ​ ២០១៨​ ។

ករណីនេះបង្កឡើង​ដោយ​ឈ្មោះ ម៉ូវ ឈុន​លឹម ហៅ ជ្រឹង ភេទប្រុស អាយុ​ ២៩​ឆ្នាំ នៅ​ភូមិអង្គ​ទន្លាប់ ឃុំសំរោងទង ស្រុកសំរោងទង​។ មូលហេតុ​បណ្តាលមកពីជនល្មើស​ឈ្មោះ​ ម៉ូវ ឈុន​លឹម ហៅជ្រឹង ខឹងនឹងជនរងគ្រោះថាបាននិយាយ​មើលងាយខ្លួន​ បណ្តាលឲ្យរបួសត្រង់ក្បាល​ធ្ងន់ត្រូវបានក្រុមគ្រួសារធ្វើការបញ្ជូនទៅព្យាបាល នៅ​គ្លីនិក​ឯកជន(ទន្លេ​ កន្ទិល)។

តាមចម្លើយសារភាព ជនសង្ស័យឆ្លើយសារភាពថាខ្លួនពិតជាបានយកត្បូង​ចបកាប់ដី​ កាប់ទៅលើជន​រងគ្រោះ​ ពិតប្រាកដមែន​ ហើយជនល្មើស​ជាមនុស្ស​ញៀន​ស្រា​ជាប្រចាំ។

បច្ចុប្បន្ន​ជនសង្ស័យ​ រួមនឹងវត្ថុតាងត្រូវ​បាន​ផ្នែក​ព្រហ្មទ​ណ្ឌ​ស្រុក​ កសាងសំណុំ​រឿង​បញ្ជូន​ទៅ​ជំនាញ​ខេត្ត​ចាត់កាតាមនីតិវិធី៕

មតិយោបល់