Post News Media ព័ត៌មានជាតិ កំពុងធ្វើម្ហូ...

កំពុងធ្វើម្ហូប ផ្ទុះកំប៉ុង​​ហ្គាស​​ឆេះ​ពេញ​បន្ទប់ រងរបួសស្ត្រី២នាក់..!

ភ្នំពេញ: មានមនុស្ស​៣នាក់​នៅ​ក្នុង​បន្ទប់ជាមួយគ្នា ​ត្រូវ​កំប៉ុង​ហ្គាស​ផ្ទុះ​បណ្តាល​ឲ្យ​រង​របួស​ធ្ងន់​ម្នាក់​នឹង​ស្រាល​ម្នាក់​ហើយ​ម្នាក់​ទៀត​​មិន​មាន​រង​របួស​ឡើយ​ ខណ:​ដែល​​ពួក​គាត់​កំពុង​ធ្វើ​ម្ហូប​ បង្ក​ឲ្យ​មាន​ការ​ភ្ញាក់ផ្អើល​កាលវេលម៉ោង​៦និង​២០នាទី​ល្ងាច ​ថ្ងៃ​ទី៣០ ខែ​កញ្ញា ឆ្នាំ​២០១៨ ​នៅ​បន្ទប់​ជួល​១០០​ បន្ទប់​ខាងក្រោយ​ផ្សារ​អង្គ​ ​នៅ​ភូមិ​អង្គ​ សង្កាត់​ចោមចៅ​៣ ខណ្ឌ​ពោធិ៍​សែនជ័យ​រាជធានីភ្នំពេញ​។

តាម​ប្រភព​ព័ត៌មាន​ពី​ប្រជាពលរដ្ឋ​នៅ​កន្លែង​កើត​ហេតុ ​បាន​និយាយ​ថា​ នៅមុនពេលកើតហេតុ​ ដោយ​ដឹង​ថា​​បន្ទប់​លេខ​៦​ជាន់ផ្ទាល់ដី​ខាងលើ​ ដោយ​រស់នៅ​មាន​គ្នា​ចំនួន​៣នាក់​ ក្នុងនោះ​ស្ត្រី​ម្នាក់​ជា​អ្នក​ធ្វើ​ម្ហូប​ រងរបួស​ធ្ងន់​រលាកដៃនិង​ឆេះ​សក់​ផងដែរ​ ចំណែក​២នាក់​ទៀត​ ម្នាក់​រងរបួស​ស្រាល​ហើយ​ ម្នាក់​ទៀត​ ពុំ​មាន​រង​របួស​ឡើយ​។ ប្រភព​ព័ត៌មាន​ពី​ប្រជាពលរដ្ឋ​នៅ​កន្លែង​កើត​ហេតុ​បាន​បន្ត​ទៀត​ថា​ ខណ:ដែល​លឺ​សំឡេង​ ផ្ទុះ​កំប៉ុង​ហ្គាស​នៅ​ក្នុង​បន្ទប់​ខាង​លើ​ ដោយ​ផ្ទុះ​ចំនួន​២ដង​ បណ្តាល​ឲ្យ​រង​របួស​ធ្ងន់​ម្នាក់​នឹង​ស្រាល​ម្នាក់​ហើយ​ម្នាក់​ទៀត​ពុំ​មាន​រង​របួស​ឡើយ​ នឹង​បណ្តាល​ឲ្យ​រង​ការ​ខូចខាត​យ៉ាង​ធ្ងន់​ធ្ងរ​រយះទ្វារ​បន្ទប់​ នឹង​ឆេះរាលដាល​ពេញ​បន្ទប់​ផងដែរ​ ។ ជនរងគ្រោះ​រង​របួស​ធ្ងន់​ស្រាលទាំង​២នាក់​ ត្រូវ​បាន​ប្រជាពលរដ្ឋ​ ដឹក​យក​ទៅ​សង្គ្រោះ​ភ្លាមៗ​ផងដែរ​ដោយ​ ដំបូង​ឡើយ​ដឹក​ទៅ​សង្គ្រោះ​នៅ​មន្ទីរពេទ្យ​ឯក​ជន​ដែល​នៅជិត​កន្លែង​កើត​ហេតុ​ ពុំហានព្យា​បាល​ ហើយ​បាន​ឲ្យជនរងគ្រោះ​ទៅ​ព្យាបាល​នៅ​មន្ទីរពេទ្យ​ព្រះកុសុម:​ ។ ចំណែក​ស្ត្រី​ ម្នាក់​​ដែល​នៅ​​ក្នុង​បន្ទប់​ទឹក​ ដោយ​ពុំមាន​រងរបួស​ ហើយ​មិន​ដឹងថា​ មិត្តភក្ដិ​របស់​ខ្លូន​ ទៅ​សម្រាក​ព្យាបាល​នៅ​មន្ទីរពេទ្យ​ណាឡើយ​ ដោយ​ទូរសព្ទ​របស់​ជនរងគ្រោះ​ នៅ​ក្នុង​បន្ទប់​ពុំបាន​យក​ទៅ​ជាប់​នឹង​ខ្លួន​លុះ​ក្រោយ​មក​ ទើប​ដឹង​ថា​ ជន​រងគ្រោះ​ទាំង​២នាក់​ខាង​លើ​ ទៅ​សម្រាក​ព្យាបាល​នៅ​មន្ទីរពេទ្យ​ព្រះកុសុម:​។

ក្រោយ​ពេល​កើតហេតុ​នគរបាល​ប៉ុស្តិ៍​ចោមចៅ​៣បាន​មកដល់​កន្លែង​កើត​ហេតុ​ភ្លាមៗ​ផងដែរ​ ហើយ​មិន​ទាន់​ជនរងគ្រោះទៅ​មន្ទីរពេទ្យ​​ លោក​ នាយ​ប៉ុស្តិ៍ចោមចៅ​រង​ ​បាន​ទៅ​រក​មើល​ជនរងគ្រោះ​នៅ​ មន្ទីរពេទ្យ​ព្រះកុសុម:​ តែ​រក​មិន​ឃើញ​ជន​រងគ្រោះ​ឡើយ​មិន​ដឹងថា​នៅ​មន្ទីរពេទ្យ​ណាឡើយ​៕

Loading...