Post News Media ព័ត៌មានជាតិ សមត្ថកិច្ចចុះ...

សមត្ថកិច្ចចុះពិនិត្យតេស្តបឋមលើ ជ្រក់, ស្ពៃ, មឹក, បង្គារ, សរសៃគុយទាវ, ណែម ដើម្បីរកសារធាតុគីមី ហាមឃាត់ផ្សារប៉ាហ៊ី (ហៅផ្សារសាមគ្គីប៉ៃលិន)

ប៉ៃលិន: យោងតាមផេក អគ្គនាយកដ្ឋានកាំកុងត្រូលបានឲ្យដឹងថា នាព្រឹក ថ្ងៃទី២ ខែតុលា ឆ្នាំ២០១៨ មន្ត្រីអគ្គនាយកដ្ឋានសាខាកាំកុងត្រូលខេត្តប៉ៃលិន បានសហការជាមួយមន្ទីរពាណិជ្ជកម្មខេត្ត ចុះត្រួតពិនិត្យទំនិញ ដែលដាក់តាំងលក់នៅ ផ្សារប៉ាហ៊ី (ហៅផ្សារសាមគ្គីប៉ៃលិន) និងគេហដ្ឋានស្ថិតនៅភូមិ ផ្សារប៉ាហ៊ី សង្កាត់បៃលិន ក្រុងប៉ៃលិន ខេត្តប៉ៃលិន ដើម្បីស្វែងរកទំនិញខូចគុណភាព ហួសរយ:ពេលប្រើប្រាស់​ មានសារធាតុគីមីហាមឃាត់​ ។ល។

នៅក្នុងសកម្មភាពមន្ត្រីជំនាញយើងបានធ្វើតេស្តបឋម លើ ជ្រក់, ស្ពៃ, មឹក, បង្គា, សរសៃគុយទាវ, ណែម ដើម្បីរកសារធាតុគីមី ហាមឃាត់លើម្ហូបអាហារ តែជាលទ្ធផល ពុំឃើញមានសារធាតុហាមឃាត់ឡើយ ប៉ុន្តែមន្ត្រីជំនាញត្រួតពិនិត្យទំនិញផ្សេងៗ ក៏បានដកហូតទំនិញដែលខូចគុណភាព ហួសកាលបរិច្ឆេទ ដែលធ្វើឲ្យប៉ះពាល់សុខភាព អ្នកប្រើប្រាស់ សរុបចំនួន ១៣ P’ksg ស្មើរនឹង ៦.១៥ គីឡូក្រាម យកមករក្សាទុកនៅស្នាក់ការដើម្បីចាត់ចែងតាមនីតិវិធីច្បាប់៕