ព័ត៌មានជាតិ

ក្មេងស្រីអាយុ ៨ឆ្នាំម្នាក់ រត់ឆ្លងផ្លូវក៏ត្រូវម៉ូតូបុក របួសយ៉ាងដំណំ

មណ្ឌលគិរី: ករណីគ្រោះថ្នាក់ចរាចរណ៍ ដោយក្មេងស្រីម្នាក់ ​ត្រូវ​ម៉ូតូ​បុក បណ្ដាលឲ្យរងរបួសយ៉ាងដំណំ ដែលហេតុការណ៍​នេះ បាន​កើតនៅវេលា​ម៉ោង ៨ ​និង​២០​នាទី ព្រឹក​ថ្ងៃទី​៧ ខែតុលា ឆ្នាំ​២០១៨ នៅ​ចំណុច​ភូមិ ឡា​ប៉ា​ខេ ឃុំស្រែ​ខ្ទុ​ម ស្រុកកែវ​សីមា ខេត្តមណ្ឌលគិរី​។​

​សមត្ថកិច្ច​ឲ្យ​ដឹងថា ករណីនេះ ដោយសារ​ក្មេង​រត់​កាត់​ផ្លូវ ទើបត្រូវម៉ូតូ​បុកតែម្ដង។ ​ជនរងគ្រោះ​ឈ្មោះ ឆែម ម៉េង​ហៀក ភេទ ស្រី អាយុ ៨ ឆ្នាំ ជនជាតិ ខ្មែរ មាន​ទីលំនៅ​ភូមិឃុំកើតហេតុ រងរបួស​ធ្ងន់ បែកក្បាល បាក់ជើង​ ត្រូវបាន​បញ្ជូនទៅ​ព្យាបាល​នៅ​ប្រទេស​វៀតណាម។​

​អ្នកបើកបរ​ម៉ូតូ ឈ្មោះ សារ៉េត ស៊ី​ណាត ភេទ ប្រុស អាយុ ២១ ឆ្នាំ ជនជាតិ ព្នង មាន​ទីលំនៅ​ភូមិ ពូរាង ឃុំ សែន​មនោ​រម្យ ស្រុក អូររាំង ខេត្ត មណ្ឌលគិរី បានជិះ​ម៉ូតូ​ម៉ាកស៊ី​រុស ពណ៌​ខ្មៅ គ្មាន​ស្លាក​លេខ​៕

មតិយោបល់