ព្រះសីហនុៈ ករណីគ្រោះថ្នាក់ចរាចរណ៍មួយ រវាងម៉ូតូបុកនឹងរថយន្ត បណ្ដាលឲ្យរបួសមនុស្ស ៣នាក់ កាលពីម៉ោងជាង៩ព្រឹកថ្ងៃទី០៧ ខែតុលា២០១៨លើផ្លូវជាតិលេខ៣ ចន្លោះគីឡូម៉ែត្រ ២០០-២០១ ស្ថិតនៅក្នុងភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ។
សមត្ថកិច្ចបញ្ជាក់ថា ម៉ូតូ១គ្រឿងម៉ាក HONDA C125 ពណ៌ ខ្មៅ គ្មានស្លាកលេខ បើកបរដោយឈ្មោះ សេង អៀន ភេទ ប្រុស អាយុ ២៧ឆ្នាំ មានអ្នករួមដំណើរចំនួន ០២នាក់៖ ទី១ឈ្មោះ សេង គឹម ភេទ ស្រី អាយុ ៤៥ឆ្នាំ និងទី ២.ឈ្មោះ សេង និច្ច ភេទ ស្រី អាយុ ១៣ឆ្នាំ អ្នកទាំងបី មានទីលំនៅភូមិព្រែកក្រាញ់ ឃុំសាមគ្គី ស្រុកព្រៃនប់ ខេត្តព្រះសីហនុ បានធ្វើដំណើរក្នុងទិសដៅពីកំពត ឆ្ពោះមកវាលរេញ លុះដល់ចំណុច ក៏បានបុកប៉ះនឹងរថយន្ត០១គ្រឿងម៉ាក LEXUS RX300 ពណ៌ខ្មៅ ពាក់ស្លាកលេខពោធិ៍សាត់ 2A-0808 បើកបរដោយឈ្មោះ ឡាក់ សុខ ភេទ ប្រុស អាយុ ២៦ឆ្នាំ មុខរបរ រត់តាក់ស៊ី មានទីលំនៅភូមិ២ សង្កាត់លេខ៣ ក្រុងព្រះសីហនុ មានទិសដៅផ្ទុយគ្នា បណ្ដាលឲ្យរងរបួសមនុស្សចំនួន ០៣នាក់ (ស្រី ០២នាក់)៖
ទី១-ឈ្មោះ សេង អៀន អ្នកបើកបរម៉ូតូ រងរបួសធ្ងន់ ។
ទី២-ឈ្មោះ សេង គឹម អ្នករួមដំណើរលើម៉ូតូ រងរបួសមធ្យម (ជើងស្តាំ) ។
ទី៣-ឈ្មោះ សេង និច្ច អ្នករួមដំណើរលើម៉ូតូ រងរបួស មធ្យម (ជើងស្តាំ) ។
ជនរងគ្រោះទាំងបីនាក់ ត្រូវបានបញ្ជូនទៅសង្គ្រោះនៅគ្លីនិករេញ ចំណែកវត្ថុតាងរថយន្ត និងម៉ូតូ បានយកមករក្សាទុកនៅអធិការដ្ឋាននគរបាលស្រុកព្រៃនប់៕
មតិយោបល់