ផ្ទះ ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ៣នាក់ ជាមុខសញ្ញាកាច់សោ.កម៉ូតូយ៉ាងសកម្ម

0

ព្រះសីហនុ: កម្លាំងជំនាញការិយាល័យនគរបាលព្រហ្មទណ្ឌ សហការជាមួយកម្លាំងប៉ុស្តិ៍នគរបាលរដ្ឋបាល សង្កាត់៤ និងកម្លាំងអធិកាដ្ឋាននគរបាលស្រុកព្រៃនប់ធ្វើការស្រាវជ្រាវស្ទាក់ចាប់ជនសង្ស័យបានចំនួន៣នាក់ លើកំណាត់​ផ្លូវជាតិលេខ៣​ ស្ថិតនៅ​ឃុំទឹកល្អក់ស្រុកព្រៃនប់ កាលពីវេលាម៉ោង៥ទៀបភ្លឺថ្ងៃទី៣០ ខែមិថុនា ឆ្នាំ២០១៦​។

​ប្រភព​ឲ្យដឹងថា ​ខណ:ជនសង្ស័យ​ជិះម៉ូតូគេចពីកម្លាំងនគរបាលជំនាញដេញតាមពីក្រោយមុខសញ្ញាចោរកម្មនេះ កំពុងធ្វើសកម្មភាពកាច់​សោ​កម៉ូតូ កាលពីម៉ោង១២:៣០នាទីនាថ្ងៃទី៣០ ខែមិថុនា ឆ្នាំ២០១៦ នៅសង្កាត់៤ ក្រុងព្រះសីហនុ។

ប្រភព​បន្តថា ​ជនសង្ស័យទាំង​៣នាក់ ដែល​ត្រូវ​បានកម្លាំង​នគរបាល​​ឃាត់ខ្លួន​ ទី១-ឈ្មោះ​​ មុំ សុខ ហៅយួន ភេទប្រុស អាយុ២១ឆ្នាំ មុខរបររត់ម៉ូតូឌុប មានទីលំនៅ ភូមិ៤ សង្កាត់៤ ក្រុងព្រះសីហនុ (ដៃដល់)។ ទី​២-ឈ្មោះ ​ម៉ោង វិឆៃ ភេទប្រុស អាយុ១៩ឆ្នាំ មុខរបរកម្មករស្នាក់នៅផ្ទះជួលភូមិ៤ សង្កាត់៤ ក្រុងព្រះសីហនុ (ដៃដល់)។ ទី៣-ឈ្មោះ មុំ ញាញ់ ភេទប្រុស អាយុ១៧ឆ្នាំ មុខរបរសិស្ស ថ្នាក់ទី៨ សាលាកម្មករ (អ្នកសមគំនិត)។ ចំណែក​បក្ខពួកវាម្នាក់​ទៀតគេចខ្លួន កំពុងស្រាវជ្រាវរកសាវតាជាតិនិងតាមចាប់ខ្លួន។

ក្រោយ​ការបង្ក្រាប​ កម្លាំង​នគរបាល​ដកហូតវត្ថុតាងចាប់យកបានម៉ូតូអ៊ែរប្លែក AIR BLADE ចំនួន២គ្រឿងសម្ថកិច្ចកំពុងស្រាវជ្រាវរកបន្ត។

បច្ចុប្បន្ន កម្លាំងជំនាញ​កំពុងបន្តនិតិវិធី បញ្ជូនខ្លួន​ជន​សង្ស័យ​ទៅតុលាការចាត់កាតាមនីតិវិធី​៕

Loading...