ភ្នំពេញៈ កាលពីវេលាម៉ោង១យប់ ថ្ងៃទី១២ ខែតុលា ឆ្នាំ២០១៨ មានករណីក្មេងទំនើងដេញវាយកាប់គ្នាផ្អើលពេញផ្លូវ នៅក្រោយមន្ទីពេទ្យផ្តល់ឈាម ផ្លូវ៤៣០ កែងនិងផ្លូវ១៨៧ សង្កាត់ទំនប់ទឹក ខណ្ឌចំការមន។
ក្មេងទំនើងដែលសមត្ថកិច្ចឃាត់ខ្លួនមានឈ្មោះ សាន់ ភក្តី ហៅអាង៉ោល ភេទប្រុស អាយុ១៥ឆ្នាំ ជាសិស្សថ្នាក់ទី៩នៃវិទ្យាល័យជាស៊ីមសាមគ្គីផ្សារដើមថ្កូវ ស្នាក់ផ្ទះលេខ៦៨៤ ផ្លូវលំ ភូមិឬស្សី ស្ទឹងមានជ័យ២ ខណ្ឌមានជ័យ ២-ឈ្មោះល័ក្ខ ជាហេង ភេទប្រុស អាយុ១៧ឆ្នាំ មុខរបរបុគ្គលិកខារ៉ាអូខេព្រីម ស្នាក់នៅផ្ទះលេខ១២៧ ភូមិដើមខ្វិត សង្កាត់ទួលសង្កែ ខណ្ឌឬស្សីកែវ ៣-ឈ្មោះគៀត សុខហេង ភេទប្រុស អាយុ១៧ឆ្នាំ មុខរបរជាងបាញ់ថ្នាំតុទូ ស្នាក់ផ្ទះជួលក្នុងសងា្កត់ផ្សារដើមថ្កូវ ខណ្ឌចំការមន មានស្រុកកំណើត ភូមិម្កាក់ ឃុំចំប៊ី ស្រុកបាទី ខេត្តតាកែវ។
បច្ចុប្បន្ន ក្រុមក្មេងទំនើង ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅអធិការដ្ឋានខណ្ឌចំការមនដើម្បីចាត់ការបន្តតាមនិតិវិធីច្បាប់៕
មតិយោបល់