ពោធិ៍សាត់ៈ កាលពីវេលាម៉ោង១០និង២០នាទីព្រឹក ថ្ងៃទី២២ ខែតុលា ឆ្នាំ២០១៨ មានករណីអគ្គិភ័យភ្លើងឆេះផ្ទះ១ខ្នង ទំហំ៦ម៉ែត្រ គុណ៨ម៉ែត្រ ថ្មក្រោមឈើលើ ប្រក់ក្បឿង ក្រាលក្តា ជញ្ជាំងក្តា នៅភូមិរវៀង ឃុំសំរោង ស្រុកភ្នំក្រវាញ ខេត្តពោធិ៍សាត់។
ក្រោយពេលទទួលព័ត៌មាន ភ្លាមៗនោះលោកអធិការក៏បាន ដឹកនាំបញ្ជាកម្លាំងអធិការដ្ឋាន ,កម្លាំងប៉ុស្តិ៍និង យករថយន្តពន្លត់អគ្គិភ័យរបស់អធិការដ្ឋាន១គ្រឿង ទៅជួយបាញ់ទឹកពន្លត់ភ្លើងកំពុងឆេះផ្ទះ ដែលជារបស់ឈ្មោះ មាន ផា ភេទប្រុស អាយុ៤៨ឆ្នាំ (កសិករ) និង ប្រពន្ធ ឈ្មោះ ចៅ រីម អាយុ ៤៦ឆ្នាំ(កសិករ) រស់នៅភូមិឃុំកើតហេតុខាងលើ ។
ដោយក្នុងពន្លត់អគ្គិភ័យនេះ យើងប្រើប្រាស់អស់ទឹកចំនួន ៧ឡាន ( រថយន្តពន្លត់អគ្គីភ័យរបស់អធិការដ្ឋានចំនួន ២ ឡាន និង រថយន្តដឹកទឹកឯកជនចំនួន៥ឡាន ទើបរលត់ភ្លើងជាស្ថាពរ)។
មូលហេតុ ដោយសារឆ្លងចរន្តអគ្គិសនី(ផ្ទាំងសូឡា)។
ការខូចខាត ឆេះផ្ទះ១ខ្នង ,ឆេះទូឈើចំនួន១, ឆេះគ្រែឈើចំនួន៤,ឆេះឯកសារ និង សម្ភារៈផ្សេងៗមួយចំនួនទៀត៕
មតិយោបល់