កំពង់ស្ពឺៈ បុរសម្នាក់ បានស្លាប់យ៉ាងអាណោចអាធ័ម ខណៈដែលជិះម៉ូតូតាមដងផ្លូវ ត្រូវបានរថយន្តកាមរីឆ្លាម បុកពេញទំហឹង កាលពីវេលាម៉ោង២និង១០នាទី រសៀល ថ្ងៃទី២៤ ខែតុលា ឆ្នាំ២០១៨ ស្ថិតនៅចំណុចភូមិវត្តក្ដីល្វា ឃុំត្រពាំងគង ស្រុកសំរោងទង ខេត្តកំពង់ស្ពឺ ។

ករណីនេះ បង្កឡើងដោយរថយន្តកាមរីឆ្លាម ពាក់ស្លាកលេខ កំពង់ស្ពឺ2A-2405 បានបុកជាមួយនឹងម៉ូតូម៉ាក ហុងដាសេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1L-5862 បណ្តាលឲ្យបុរសម្នាក់មានអាយុជិត៤០ឆ្នាំ ស្លាប់នៅនឹងកន្លែង ត្រូវបានដឹកយកមកតម្កល់ទុកនៅមន្ទីរពេទ្យបង្អែកខេត្តកំពង់ស្ពឺ ដើម្បីស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕