កំពង់ស្ពឺ: នៅវេលាម៉ោង១២និង៣០នាទី កម្លាំងជំនាញព្រហ្មទណ្ឌស្រុកភ្នំស្រួច បានចុះបង្រ្កាបល្បែងស៊ីសង(អាប៉ោង) នៅចំណុចផ្ទះសន សេន ភេទប្រុស អាយុ ៣៥ឆ្នាំស្ថិតក្នុងភូមិត្រពាំងប្រិយ ឃុំក្រាំងដឺវ៉ាយ ស្រុក ភ្នំស្រួច ខេត្តកំពង់ស្ពឺ។
ក្នុងនោះសមត្ថកិច្ចឃាត់ខ្លួនបានមនុស្សចំនួន៤នាក់ /ស្រី៣នាក់ ប្រុសម្នាក់រួមមាន៖
១-ឈ្មោះ ឌឹម ធា ភេទស្រី អាយុ ៣៥ឆ្នាំ ភូមិត្រាំងក្រូច ឃុំក្រាំងដឺវ៉ាយ
២- ឈ្មោះ វ៉ន វ៉េតភេទ ស្រី អាយុ ៤៣ ឆ្នាំ ភូមិព្រៃទទឹងឃុំក្រាំងដឺវ៉ាយ
៣-ឈ្មោះ សួស ពេជ្រ ភេទ ស្រី អាយុ ៤៧ ឆ្នាំ ភូមិត្រពាំងប្រិយ ឃុំក្រាំងដឺវ៉ាយ
៤-ឈ្មោះប៊ុន បឿន ភេទប្រុស អាយុ ៤៩ឆ្នាំ ភូមិដីក្រហម ឃុំក្រាំងដឺវ៉ាយ។
ចំណែកអ្នកលេងមួយចំនួនទៀតត្រូវបានរត់គេចខ្លួនអស់ ហើយសមត្ថកិច្ចដកហូតវត្ថុតាងបានរួមមានបៀរលេងរួចចំនួនបៀ ១ ហ៊ូរ និងមេអាប៉ោងចំនួន ២គ្រាប់ ចានចំនួនមួយ ផ្ដិលសម្រាប់គ្រប និងកៅអី ១ និងលុយចំនួន ១០០,០០០ រៀល។
បច្ចុប្បន្នមុខសញ្ញាអ្នកលេងល្បែងស៊ីសងខុសច្បាប់ទាំង៤នាក់បានបញ្ជូនមកអធិការដ្ឋាននគរបាលស្រុកភ្នំស្រួច ដើម្បីសាកសួរនិងកសាងសំណុំរឿងបញ្ជូនទៅការិយាល័យជំនាញខេត្ត ចាត់ការតាមនីតិវិធី៕
មតិយោបល់