ឧត្តរមានជ័យ: កាលពីម៉ោង៤និង ៥០នាទីទៀបភ្លឺឈានចូលថ្ងៃទី១១ ខែវិច្ឆិកា ឆ្នាំ២០១៨ មានករណីប៉ុនប៉ងធ្វើឃាតកម្ម ដោយបុរសជាប្តី មានបំណងសម្លាប់ប្រពន្ធខ្លួនឯង ប្រុងយកពូចៅទៅកាប់ចំកណ្តាលក្បាល និងយកខ្សែភ្លើងឆក់ថែមទៀត តែសំណាងល្អប្រពន្ធមិនស្លាប់ ក៏រត់គេចខ្លួនទៅផ្ទះបងប្អូនឲ្យជួយ បន្ទាប់មកបុរសជាប្តី បានយកខ្សែអង្រឹងចង.កសម្លាប់ខ្លួនឯង ជាប់នឹងថ្នឹមផ្ទះ ស្ថិតនៅភូមិកញ្ជ្រៀប ឃុំគោកមន ស្រុកបន្ទាយអម្ពឹល។
ស្ត្រីរងគ្រោះឈ្មោះ ឡិញ សារឿន អាយុ៤៨ឆ្នាំ មានកូន៤នាក់ (ស្រី២នាក់) បានរងរបួស១ពូចៅចំកណ្តាលក្បាល ដេរចំនួន៨ថ្នេរ និងរបួសដោយសារត្រូវខ្សែភ្លើងឆក់ផងដែរ។ រីឯជនបង្កជាប្តីឈ្មោះ ជូ សំណាង អាយុ៥៦ឆ្នាំ មុខរបរជាកសិករ មានទីលំនៅក្នុងភូមិ-ឃុំកើតហេតុខាងលើ (ស្លាប់)។
សមត្ថកិច្ចបានឲ្យដឹងថា នៅរសៀលថ្ងៃទី១០ ខែវិច្ឆិកា បុរសជាប្តីបាននិយាយជាមួយប្រពន្ធថា យើងជិតបែកគ្នាហើយ រួចប្រពន្ធឆ្ងល់ក៏សួរតបទៅវិញថា ហេតុអីយើងត្រូវបែកគ្នា ខណ:មិនបានដឹងថា ប្តីខ្លួនប៉ុនប៉ងធ្វើអត្តឃាតចំពោះខ្លួនបែបនេះទេ។
ក្រោយប៉ូលិស បានចុះធ្វើកោសល្យវិច័យ រួចប្រគល់សពទៅឱ្យក្រុមគ្រួសារយកធ្វើបុណ្យទៅតាមប្រពៃណី៕
មតិយោបល់