កណ្តាលៈ កម្លាំងនគរបាលស្រុកស្អាង ចុះបង្ក្រាប និងធ្វើការឡោមព័ទ្ធកន្លែងជល់មាន់មួយកន្លែង និងឃាត់ខ្លួនជនសង្ស័យចំនួន០៥នាក់ កាលពីវេលាម៉ោង១០និង៥៤នាទី ថ្ងៃទី ០២ ខែកក្កដា ឆ្នាំ២០១៦ នៅចំណុចចំការស្វាយ ស្ថិតភូមិពោធិតាប៉ាង ឃុំស្វាយប្រទាល ស្រុកស្អាង ខេត្តកណ្ដាល។
ប្រភពឲ្យដឹងថា ប្រតិបត្តិការខាងលើនេះ ធ្វើឡើងក្រោយពីកម្លាំងនគរបាលទទួលព័ត៌មានថា មានសកម្មភាព លេងល្បែងស៊ីសងខុសច្បាប់ (ជល់មាន់) នៅភូមិពោធិតាប៉ាង ឃុំស្វាយប្រទាល ក៏បានធ្វើការឡោមព័ទ្ធ ដោយឃាត់ខ្លួន អ្នកប្រព្រឹត្តល្បែងស៊ីសងជាក់ស្តែងចំនួន០៥នាក់។
ប្រភពបន្តថា ជនសង្ស័យ០៥នាក់ ទី១-ឈ្មោះ បេ មួយហៀង ភេទប្រុស អាយុ ៣៤ ឆ្នាំ ជនជាតិខ្មែរ មុខរបរលក់មាន់ មានទីលំនៅភូមិព្រែករុន ឃុំព្រែកគយ ស្រុកស្អាង។ ២-ឈ្មោះ ខេន សុរដ្ឋា ភេទប្រុស អាយុ ២៨ឆ្នាំ ជនជាតិខ្មែរ មុខងារ សិក្ខាកាម បរិញ្ញាបត្រនីតិ សាស្ត្រ នគរបាល មានទីលំនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។ ៣-ឈ្មោះ ម៉ូវ សិទ្ធី ភេទប្រុស អាយុ ៣៣ឆ្នាំ ជនជាតិខ្មែរ មុខរបរជាងជួសជុលរថយន្ត មានទីលំនៅភូមិលេខ២ ឃុំស្វាយរលំ ស្រុកស្អាង។ ៤-ឈ្មោះ មួន សាម៉េត ភេទប្រុស អាយុ ៣៧ឆ្នាំ ជនជាតិខ្មែរ មុខរបរជាងជួសជុលរថយន្តស្នាក់នៅ ផ្ទះជួល ស្ថិតភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល។ ៥-ឈ្មោះ ឆែម ឆេន ភេទប្រុស អាយុ ៥៥ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅផ្ទះជួល ស្ថិតភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល។
ក្រោយការបង្ក្រាប កម្លាំងនគរបាលដកហូតវត្ថុតាងរួមមាន៖ ម៉ូតូចំនួន០២គ្រឿង ម៉ាកស្គុបពីរពណ៌ស សេរីឆ្នាំ២០១៥ ពាក់ស្លាកលេខ 1CW-8276 ភ្នំពេញ និងម៉ូតូម៉ាកហុងដា សេ១២៥ ពណ៌ខ្មៅ សេរីឆ្នាំ ២០១៥ ពាក់ស្លាកលេខភ្នំពេញ 1FD-1986។
បច្ចប្បន្ន ជនសង្ស័យទាំង៥ រួមនិងវត្ថុតាងត្រូវបានបញ្ជូនមកកាន់អធិការដ្ឋានគរបាលស្រុកស្អាង ដើម្បីបន្តចាត់ការតាមនីតិវិធី៕
មតិយោបល់