កណ្តាល: ប្រទះឃើញសាកសពច្រកបាវអណ្ដែតទឹកត្រពាំង បង្កការភ្ញាក់ផ្អើលដល់ប្រជាពលរដ្ឋនៅក្បែរនោះ កាលពីវេលាម៉ោង២:៣០នាទី ថ្ងែទី០២ ខែកក្កដា ឆ្នាំ២០១៦ ស្ថិតនៅក្នុងភូមិតានូ ឃុំស្អាងភ្នំ ស្រុកស្អាង ខេត្តកណ្តាល។
ប្រភពឲ្យដឹងថា ជនរងគ្រោះត្រូវបានគេស្គាល់អត្តសញ្ញាណថា មានឈ្មោះ លៃ លីន ភេទប្រុស អាយុ២៧ឆ្នាំ ជនជាតិខ្មែរ មុខរបរ កម្មករសំណង់ មានទីលំនៅភូមិតានូ ឃុំស្អាងភ្នំ ស្រុកស្អាង ខេត្តកណ្ដាល។ ដោយភ្ជាប់មកជាមួយនូវវត្ថុតាងបន្សល់ទុក៖ ១-កូនកាបូបតូចដាក់លុយ០១ ២-អត្តសញ្ញាពប័ណ្ណផ្ទាល់ខ្លួន ០២ ច្បាប់ (អត្តសញ្ញាណប័ណ្ណ ID៖ KHM 0208550127 និងមួយទៀត អត្តសញ្ញាណប័ណ្ណ ID៖ 020855012) ៣-ទូរស័ព្ទ០១គ្រឿង ម៉ាក ៖ AIS ពណ៌ខ្មៅ(លេខ៖ 096-9255954) ៤-កៅស៊ូ រិតកង់ ប្រវែង១៥០ស.ម ចំនួន ០១
៥-មួកកាតិប០១ ៦-ស្បែកជើងផ្ទាត់ពណ៌ខ្មៅ ០១ ៧-ស្បោងផ្លាស្ទីច ០២ (ថង់កៅស៊ូ)
និង ៨-ថង់ការ៉ុង ០១។
គួរបញ្ជាក់ថា ពលរដ្ឋឈ្មោះ សុខ រុំ ភេទប្រុស អាយុ៣១ឆ្នាំ មានទីលំនៅភូមិតានូ ឃុំស្អាងភ្នំ ស្រុកស្អាង ខេត្តកណ្ដាល ខណ:ដើរខ្វាល់គោ ក៏ប្រទះឃើញបាវ អណ្ដែតទឹក ក្នុងត្រពាំងតាណែម ធុំក្លិនស្អុយ រួចបានចុះទាញបាវ មកក្បែរខាង ហើយក៏ដាច់មាត់បាវ ចេញជើងមនុស្សមក ក៏មានការភ្ញាក់ផ្អើល ឆោឡោ ហើយបានរាយការណ៍មកសមត្ថកិច្ច។
ករណីនេះ កម្លាំងមន្ត្រី ការិយាល័យបច្ចេកទេសខេត្ត និងមន្ត្រីការិយាល័យព្រហ្មទណ្ឌកម្រិតធ្ងន់ ចូលរួមពិនិត្យជាមួយកម្លាំងសមត្ថកិច្ចរបស់ស្រុកស្អាង ដើម្បីធ្វើកោសល្យវិច័យលើសពជនរងគ្រោះដែលច្រកក្នុងការ៉ុងពណ៌ខៀវចងខ្សែលួសឃើញថា៖
១.ស្នាមមុត ត្រចៀកខាងឆ្វេងប្រវែង៥ស.ម ជម្រៅដល់ឆ្អឹង
២.ស្នាមមុតនៅចុងចិញ្ចើមខាងស្ដាំ មានរាងមូលទំហ៊ំ១ស.ម ជម្រៅដល់ឆ្អឹង
៣.ស្នាមមុតចំហៀងខាងឆ្វេង លើចង្កេះទំហំ១៤ស.ម គុណ ៦ស.ម ដាច់ឆ្អឹង
៤.ស្នាមមុតក្រោយចំក្បាលផ្នែកខាងក្រោយរាងអក្សL ប្រវែង២ស.ម ចំនួន០២កន្លែង
៥.ក្បាលសព មានច្រកថង់ខ្មៅ នៅនឹងក មានរឹតកៅស៊ូប្រវែង១៥០ស.ម (កៅស៊ូយឺត រិតកង់)ចំនួន០៦ជុំ។
ក្រោយការត្រួតពិនិត្យ និងការសន្និដ្ឋាន សមត្ថកិច្ចអះអាងថា សាកសពជនរងគ្រោះស្លាប់ក្នុងអំពើមនុស្សឃាត៕
មតិយោបល់