មណ្ឌលគិរីៈ នៅវេលាម៉ោង១១និង៤៥នាទីថ្ងៃត្រង់ ថ្ងៃទី២៨ ខែវិច្ឆិកា ឆ្នាំ២០១៨ មានករណីគ្រោះថ្នាក់ចរាចរណ៍ រវាងរថយន្តតាកូម៉ា របស់លោកអភិបាលរងស្រុកកែវសីមា បុកជាមួយនិងម៉ូតូ ក្នុងទិសដៅបញ្ច្រាសទិសគ្នាពីត្បូងទៅជើង បណ្តាលឲ្យភាគីខាងម៉ូតូរងរបួសធ្ងន់២នាក់ នៅភូមិ អូរអាម ឃុំ ស្រែខ្ទុម ស្រុកកែវសីមា ខេត្តមណ្ឌលគិរី។
ជនរងគ្រោះទាំង២នាក់មានឈ្មោះ សាន សុខជី ភេទប្រុស អាយុ១៦ឆ្នាំ មុខរបរកសិករ និងឈ្មោះ ដេម ប៊ុនណា ភេទប្រុស អាយុ១៩ឆ្នាំ មុខរបរ កសិករ អ្នកទាំង២នាក់ មានទីលំនៅភូមិឃុំកើតហេតុ ជិះម៉ូតូម៉ាក ហុងដាMSX ពណ៌ស លាយ ខ្មៅ គ្មានស្លាកលេខ រងរបួសធ្ងន់ទាំង២នាក់។
បច្ចុប្បន្ន ជនរងគ្រោះទាំង២នាក់ត្រូវបានក្រុមគ្រួសារបញ្ជូនទៅមន្ទីរពេទ្យនៅប្រទេសវៀតណាម៕
មតិយោបល់