កំពង់ស្ពឺ: កាលពីវេលាម៉ោង១និង៤៥នាទីរសៀល ថ្ងៃទី២៨ ខែវិច្ឆិកា ឆ្នាំ២០១៨ មានករណីគ្រោះថ្នាក់ចរាចរណ៍រវាងរថយន្តនិងរថយន្ត នៅលើផ្លូវជាតិលេខ៤ ចន្លោះគីឡូម៉ែត្រ ៧៤-៧៥ ភូមិកូនត្រុំ ឃុំអូរ ស្រុកភ្នំស្រួច ខេត្តកំពង់ស្ពឺ។
រថយន្តបង្កម៉ាក នីសាន់ (បែន) ពណ៌ស គ្មានស្លាកលេខ អ្នកបើកបរឈ្មោះ លី ហុង ភេទប្រុស អាយុ២៥ឆ្នាំ នៅភូមិស្ទឹងកណ្តៀត ឃុំកណ្តៀង ខេត្តពោធិ៍សាត់ បើកបរមកពីលិចទៅកើត មកដល់ចំណុចកើតហេតុ បានបុករថយន្តមិនស្គាល់ម៉ាក ដែលបើកបរទិសស្របគ្នា ស្របពេលនោះ ក៏មានរថយន្ត២គ្រឿងបានមកបុក បន្តគ្នា ពីក្រោយ។ រថយន្តទាំង២គ្រឿងនោះ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3C-8126សឺមីរ៉ឺម៉ក ពណ៌ស ពាក់ស្លាកលេខ ព្រះសីហនុ4A.3505 អ្នកបើកបរ ឈ្មោះ ឌី សុះរើន ភេទប្រុស អាយុ១៩ឆ្នាំ រស់នៅភូមិ ដំណាក់ត្រាច ឃុំដំបូករោង ស្រុកភ្នំស្រួច ខេត្តកំពង់ស្ពឺ និងរថយន្ដម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ3A.6311 សឺមីរ៉ឺម៉ក ពណ៌ស ពាក់ស្លាកលេខ ព្រះសីហនុ4A-1631 អ្នកបើកបរឈ្មោះ សំអូន ភេទ ប្រុស ដែលបើកបរស្របទិសគ្នា បណ្តាលអ្នកបើកបរ ទាំង៣នាក់រងរបួស ត្រូវបានរថយន្តសង្គ្រោះពេទ្យបង្អែកត្រពាំងក្រឡឹង ដឹកយកទៅមន្ទីរពេទ្យបង្អែកខេត្តកំពង់ស្ពឺ។
វត្ថុតាងទាំង៣គ្រឿងបានយកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីចាត់ការតាមនិតិវិធី៕
មតិយោបល់