បាត់ដំបងៈ មានករណីគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង១០និង៣០នាទីថ្ងៃទី៤ ខែកក្កដា ឆ្នាំ២០១៦ ត្រង់ចំណុចក្នុងភូមិអូរដា ឃុំអូរដា ស្រុកកំរៀង ខេត្តបាត់ដំបង។

ករណីគ្រោះថ្នាក់ចរាចរណ៍នេះ បង្កដោយរថយន្តក្រុងរបស់ក្រុមហ៊ុន K S O ពណ៌ស+ខៀវ ពាក់ស្លាកលេខ ភ្នំពេញ3C-9364 បើកបរក្នុងទិសដៅពីលិចទៅកើតតាមផ្លូវលេខ៥៩បេ មកដល់ចំណុចកើតហេតុខាងលើបានបុកជាមួយម៉ូតូម៉ាកហុងដាសេ១២៥ សេរីឆ្នាំ២០១៥ ពណ៌ខ្មៅ ពាក់ស្លាកលេខប៉ៃលិន1A-0535 ទិសដៅផ្ទុយគ្នា បណ្តាលឲ្យមនុស្សរងរបួសចំនួន០២នាក់ ទី១-ឈ្មោះ ជា សុខុម ភេទស្រី អាយុ២៨ឆ្នាំ មុខរបរកសិករជាអ្នកបើកម៉ូតូរងរបួសធ្ងន់បាក់ជើងឆ្វេង។ ទី២.ឈ្មោះ ទិ ស្រីនិត ភេទស្រី អាយុ០៦ឆ្នាំ ជាកូន រងរបួសស្រាល អ្នកទាំងពីររស់នៅភូមិកំរៀង ឃុំកំរៀងស្រុកកំរៀង ខេត្តបាត់ដំបង។

ក្រោយកើតហេតុជនរងគ្រោះត្រូវបានបញ្ជូនទៅសង្គ្រោះបន្ទាន់នៅមណ្ឌលសុខភាពត្រាង។ ចំណែកអ្នកបើករថយន្តបង្កបានរត់គេចខ្លួនបាត់ បន្ទាប់ពីកើតហេតុ។

ចំណែកម៉ូតូ និងរថយន្តបានអូសយកមករក្សាទុកនៅអធិការដ្ឋាននគរបាលស្រុកកំរៀងដើម្បីរង់ចាំការដោះស្រាយ៕