ភ្នំពេញ: មានការភ្ញាក់ផ្អើលទៀតហើយបានកើតឡើងខណ:ដែលលោកអភិបាលខណ្ឌមានជ័យ បានចេញសេចក្តីជូនដំណឹង ជាសាធារណ:ជូនដល់បងប្អូនប្រជាពលរដ្ឋទាំងអស់មេត្តាជ្រាប ពីករណីដែលមានជនខិលខូចយកឈ្មោះលោកអភិបាលខណ្ឌមានជ័យ ដើររៃអង្គាសថវិកាតាមផ្ទះ តាមផ្សារនានា ដើម្បីជួយដល់ពិធីបុណ្យខួប និងអភិសេក ចំពោះវិញ្ញាណខ័ន្ធឧបាសក លី ម៉ានេ នៅទី០៦ ខែធ្នូ ឆ្នាំ២០១៨ នៅគេហដ្ឋាន លោក លី មុន្នី នៅភូមិដើមស្ដៅ ឃុំសំបូរ ស្រុកស្ទឹងត្រង់ ខេត្តកំពង់ចាម។
ក្នុងនោះដែរ លោកអភិបាលខណ្ឌបានធ្វើការបដិសេធទាំងស្រុង រាល់សកម្មភាពខាងលើ ដោយលោកបានបញ្ជាក់ថា មិនដែលស្គាល់បុគ្គលនេះទេ និងមិនបានជ្រាប ឬក៏ទទួលនូវសំបុត្របុណ្យ ដែលជូនភ្ជាប់មកជាមួយនេះដែរ។
ក្នុងនោះដែរ ដើម្បីរួមចំណែកក្នុងការអនុវត្ដច្បាប់ និងរក្សាបាននូវកិត្តិយស សេចក្ដីថ្លៃថ្នូរ ចំពោះក្រុមគ្រួសារសាច់ញាតិ និងលោកអភិបាល សូមសូមណូមពរដល់លោកអធិការនគរបាលខណ្ឌ លោកមេបញ្ជាការដ្ឋានកងរាជអាវុធហត្ថខណ្ឌ មន្រ្តីរាជការ លោកប្រធានផ្សារ លោកចៅសង្កាត់ទាំងអស់ក្នុងខណ្ឌមានជ័យ សូមទប់ស្កាត់ស្រាវជ្រាវ និងឃាត់ខ្លួនជនខិលខូចខាងលើ យកផ្ដន្ទាទោសតាមច្បាប់៕
មតិយោបល់