Post News Media ព័ត៌មានជាតិ ធ្ងន់កទៀតហើយ!...

ធ្ងន់កទៀតហើយ! រថយន្ត​ស៊េរីទំនើបលុចស៊ីស RX 350 ស្លាក​លេខ​នគរបាល 2-6636 បុករះម៉ូតូ PassApp បណ្ដាលឲ្យស្លាប់ និងរងរបួស ហើយព្យាយាមបើករត់

ភ្នំពេញ: ករណីគ្រោះថ្នាក់ចរាចរណ៍មួយ ដោយរថយន្តពាក់​ស្លាក​លេខ​នគរបាល 2-6636 បាន​បុក​រះ​ម៉ូតូ​កង់​បី​ចំនួន​ពីរ​គ្រឿង ​បណ្ដាលឲ្យ​ស្លាប់បុរសម្នាក់ និងបុរសម្នាក់ទៀតរបួសស្រាល ដែលហេតុការណ៍​នេះ ​កើតទ្បើង​នៅម៉ោង​១០ និង៣០នាទីយប់ថ្ងៃ​ទី០៨ ខែ​ធ្នូ​ ឆ្នាំ​២០១៨ ​ស្ថិត​នៅ​តាម​បណ្ដោយ​ផ្លូវ​ម៉ៅសេទុង ​ត្រង់ចំណុច​មុខ​ផ្ទះ​លេខ​៣៨៨Eo​ ក្នុង​សង្កាត់​បឹង​សាឡាង​ ខណ្ឌ​ទួលគោក​​។

​រថយន្ត​បង្ក​ម៉ាក Lexus RX350​ ពណ៌​ស ​ពាក់​ស្លាក​លេខ​នគរបាល​ 2-6636 បាន​ធ្វើ​ដំណើរ​ពី​ជើង​ទៅ​ត្បូង ​ស្របទិស​ជា​មួយ​នឹង​ម៉ូតូ​កង់​បី​ទាំង​ពីរ​គ្រឿង លុះ​មក​ដល់​ចំណុច​កើត​ហេតុ​ស្រាប់​តែរថយន្ត​ខាង​លើ ​បាន​បុក​ម៉ូតូកង់​បី​មួយ​គ្រឿង​ ពណ៌​ក្រហម ​ពាក់​ស្លាក​លេខ​ភ្នំពេញ​ 1Q-4147 ពី​ក្រោយ​ចំពេញ​មួយ​ទំហឹង​ បណ្ដាល​ឲ្យ​ម៉ូតូ​ដាច់​ជា​ពីរ ​រី​ឯ​ម្ចាស់​ម៉ូតូ​វិញ​បាន​ស្លាប់​ពេល​បញ្ជូន​ទៅ​កាន់​មន្ទីរពេទ្យ​ រួចរថយន្តបន្ត​ទៅ​បុក​កង់​បី​ឥណ្ឌា ​មួយ​គ្រឿង​ទៀត ពណ៌​ស ​ពាក់​ស្លាក​លេខ​ភ្នំពេញ​ 1GM-4690​ ពេញ​មួយ​ទំហឹង ​បណ្ដាល​ឲ្យ​ក្រឡាប់​ ខណ:​ម្ចាស់​ម៉ូតូ​កង់​បី​វិញ ​រង​របួស​ស្រាល​។

ក្រោយកើតហេតុរថយន្ត​បង្ក​ ព្យាយាមបើក​រត់​ដោយ​យក​រថយន្ត​ទៅ​ទុក ​នៅ​កន្លែង​ផ្ញើ​ឡាន​មួយ​កន្លែង ​រីឯ​អ្នក​បើកបររថយន្ត​​ គេច​ខ្លួន​បាត់​ស្រមោល​។

សពជនរងគ្រោះដែលជាម្ចាស់ម៉ូតូកង់បី មានឈ្មោះ​ វាន់​ ទិព្វ​ មានអាយុ​៥៧ឆ្នាំ​ ​ស្រុក​កំណើត​នៅ​ភូមិ​ស្វាយ​អំពារ​​ ឃុំ​ស្វាយ​អំពារ​ ​ស្រុក​មុខកំពូល​ ខេត្ត​កណ្ដាល។

បច្ចុប្បន្ន​វត្ថុ​តាងខាងលើ ត្រូវបានសមត្ថកិច្ចជំនាញ ស្ទូចយកទៅ​រក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ៕