Post News Media ព័ត៌មានជាតិ ឃាត់ខ្លួនជនជា...

ឃាត់ខ្លួនជនជាតិញ៉ូហ្សេឡិន (មានសតិមិនប្រក្រតី)ម្នាក់ ពីបទចូលផ្ទះប្រជាពលរដ្ឋ និងគ្មានលិខិតឆ្លងដែនជាប់នឹងខ្លួន

ភ្នំពេញ: នៅវេលាម៉ោង៧យប់ ថ្ងៃទី១០ ខែធ្នូ ឆ្នាំ២០១៨ ការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ បានទទួលជនបរទេស ចំនួនម្នាក់ ឈ្មោះ ANDREW JOHN ភេទប្រុស អាយុ៣៦ឆ្នាំ ជនជាតិញ៉ូហ្សេឡិន (មានសតិមិនប្រក្រតី) ពីកម្លាំងនគរបាលប៉ុស្តិ៍ផ្សារកណ្ដាល២ ខណ្ឌដូនពេញ រាជធានីភ្នំពេញ ពីបទចូលផ្ទះប្រជាពលរដ្ឋ ធ្វើឲ្យមានការភ័យខ្លាច និងគ្មានលិខិតឆ្លងដែនជាប់នឹងខ្លួន។

តាមការសាកសួរបំភ្លឺ បានឲ្យដឹងថា ជននេះចូលមក ប្រទេសកម្ពុជា នៅឆ្នាំ២០១៤ តាមព្រលានយន្តហោះអន្តរជាតិភ្នំពេញ រយ:កាលស្នាក់នៅប្រទេសកម្ពុជា គ្មានការងារធ្វើ គ្មានទីកន្លែងស្នាក់នៅពិតប្រកដ និងមានសតិមិនប្រក្រតី។ បានឃាត់ខ្លួនបញ្ជូនទៅអគ្គនាយកដ្ឋានដើម្បីអនុវត្តនីតិវិធីបន្តនៃច្បាប់៕