Post News Media ព័ត៌មានជាតិ ទៀតហើយព្រឹកនេ...

ទៀតហើយព្រឹកនេះ! មានកម្មវិធីមន្ត្រីកាំកុងត្រូល កំពុងតែធ្វើការផ្សព្វផ្សាយអប់រំ ស្រាប់តែសិស្សសាលាវិទ្យាល័យថ្មគោល ដួលសន្លប់ជាច្រើននាក់ ដោយមិនដឹងមូលហេតុ

បាត់ដំបង: សមត្ថកិច្ច បានប្រាប់ Post News ថា មានករណី​សិស្សសាលាវិទ្យាល័យស្រុកថ្មគោលប្រុសស្រីចំនួន ១៩នាក់ ដួលសន្លប់ទៀតហើយ នៅវេលាម៉ោង ១០ ព្រឹកថ្ងៃទី១១ ខែធ្នូ ២០១៨ នៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង។

ក្រោយកើតហេតុ សមត្ថកិច្ចបានចុះអន្តរាគមន៍ និងបញ្ជូនសិស្សវិទ្យាល័យ ដែលដួលសន្លប់ទាំងនោះ ទៅកាន់មន្ទីរបង្អែកស្រុកថ្មគោល ដើម្បីសង្គ្រោះផងដែរ។

ករណីនេះ សមត្ថកិច្ចនៅមិនទាន់ដឹងពីមូលហេតុនៅទ្បើយទេ។

សូមជំរាបថា មុនកើតហេតុនេះ គឺព្រឹកមិញ មន្ត្រីកាំកុងត្រូលខេត្តបាត់ដំបង សហការជាមួយមន្ទីរសុខាភិបាលខេត្ត និងអាជ្ញាធរដែនដី បានចុះផ្សព្វផ្សាយអប់រំសុវត្ថិភាពចំណីអាហារ ស្រាប់តែមានករណីសិស្សដួលសន្លប់ជាបន្តបន្ទាប់ទៀត៕