Post News Media ព័ត៌មានជាតិ មានទឹកចិត្តល្...

មានទឹកចិត្តល្អហើយ នៅជួបក្រុមចោរទាំងនេះទៀត! គ្រូពេទ្យ​ស្ម័គ្រចិត្តជាជនបរទេស​ចំនួន៦​នាក់ ត្រូវចោរលួចសម្ភារ:​ នៅ​មណ្ឌលកុមារ​កំព្រា​សន្តិភាព​២​

​បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅ​បន្ទប់​ស្នាក់​នៅ​ក្នុង​មណ្ឌលកុមារ​កំព្រា​សន្តិភាព​២​ ភូមិ​អូរ​ដំបង​ ឃុំ​អូរ​ដំបង​២​ ស្រុក​សង្កែ​ មាន​ករណី​ចូល​លួច​សម្ភារ:​បង្ក​ដោយ​ជនសង្ស័យ​មិន​ស្គាល់​អត្តសញ្ញាណ​បាន​កើតឡើង​។​

ករណីនេះកើតឡើងកាលពីវេលាម៉ោង៤ទៀបភ្លឺ ​ថ្ងៃ​ទី​១៣​ ខែធ្នូ​ ឆ្នាំ​២០១៨ ​ដោយជនសង្ស័យ​បាន​ធ្វើ​សកម្មភាព​ចូល​លួច​ទ្រព្យសម្បត្តិ​របស់​គ្រូពេទ្យ​ស្ម័គ្រ​ចិត្តជា​ជនជាតិ​សិង្ហ​បូ​រី​ចំនួន​៦​នាក់​ ដែល​មក​ស្នាក់​នៅ​មណ្ឌលកុមារ​កំព្រា​ភូមិ​.​ឃុំ​ខាងលើ​ ។​

សម្ភារ:​ដែល​បាត់បង់​រួម​មាន​ ៖​ ទូរស័ព្ទ​អស់​ចំនួន​ ០៦​គ្រឿង​ (​ម៉ាក​អាយ​ហ្វូ​ន​ ០៤​គ្រឿង​ ម៉ាក​អូ​ពោ​ ០១​គ្រឿង​ និង​ម៉ាក​ស៊ី​ម៉ិ​ញ​ ០១​គ្រឿង​)​ និង​ឡែ​ប​ថប​ចំនួន​ ០២​គ្រឿង​ ផៅ​វ៉ូ​បែង​ (Power​ Bank)​ ចំនួន​ ០២​គ្រឿង​ កាត​ធនាគារ​ ០១​សន្លឹក​ និង​អត្តសញ្ញាណប័ណ្ណ​ ០២​សន្លឹក​។​

​ករណី​នេះ​ កម្លាំង​នគរបាល​ជំនាញ​ខេត្ត​សហការ​ជាមួយ​កម្លាំង​នគរបាល​ស្រុក​ កំពុងធ្វើការ​ស្រាវជ្រាវ​រកមុខ​សញ្ញា​ជនសង្ស័យ​ ដើម្បី​យក​មក​ផ្តន្ទាទោស​តាម​ច្បាប់​៕