Post News Media ព័ត៌មានជាតិ Update៖ អគ្គិ...

Update៖ អគ្គិភ័យលេបត្របាក់ផ្ទះមួយខ្នង ទៀតហើយនៅខេត្តស្ទឹងត្រែង ដោយសារតែរឿងដដែលៗ

ស្ទឹងត្រែង: មានករណីគ្រោះអគ្គិភ័យកើតឡើង ដោយបានឆាបឆេះផ្ទះមួយខ្នងយ៉ាងសន្ធោសន្ធៅ កាលពីវេលាម៉ោង៦និង០៧នាទីយប់ ថ្ងៃទី​១៧​ ខែ​ធ្នូ​ ឆ្នាំ​២០១៨ នៅភូមិ​បាចុង​ សង្កាត់​ព្រះបាទ​ ក្រុងស្ទឹងត្រែង ខេត្ត​ស្ទឹងត្រែង។

អគ្គិភ័យនេះបានផ្ទះ១ខ្នងទំហំ១៤ម៉ែត្រ x១៥ .៥០ម៉ែត្រ សង់អំពីឈើ​ប្រក់​ស័ង្កសីបាំង​ក្ដា​ ក្រាល​ក្ដា​សង់ខ្ពស់​ ដែលមានម្ចាស់ផ្ទះ​ឈ្មោះ​ កែវ ប៉ាប៉ាន់​ ភេទប្រុស​ និងប្រពន្ធឈ្មោះ​ ម៉ៅ​ សុខន​ រស់នៅភូមិឃុំកើតហេតុខាងលើ បណ្ដាលឲ្យខូចខាតទ្រព្យសម្បត្តិ​ ។

ចំណែកមូលហេតុបណ្ដាលមកពីឆ្លងចរន្តអគ្គិសនី ហើយបន្ទាប់ពីទទួលបានព័ត៌មាននេះភ្លាម កម្លាំងពន្លត់អគ្គិភ័យ បានយករថយន្តពន្លត់អគ្គិភ័យចេញអន្តរាគមន៍ពន្លត់បានទាន់ពេលមិនឲ្យរាលដាលដល់ផ្ទះជិត​ខាង​ឡើយ ដោយបានប្រើប្រាស់រថយន្ត​ចំនួន៣គ្រឿង​ បាញ់ទឹកអស់ចំនួន១២ឡាន​ ស្មើនឹង៤៨ម៉ែត្រគូប​ ទើបរលត់ទាំងស្រុង នៅម៉ោង៨យប់ថ្ងៃដដែល៕