Post News Media ព័ត៌មានជាតិ Update៖ ដឹងកា...

Update៖ ដឹងការពិតហើយ! ដោយសារស្រា ហិង្សារត់ផ្អើលពេញរោងការ

ពោធិ៍សាត់: ករណីហិង្សាក្នុងរោងការមួយ បានបង្កឲ្យមានការភ្ញាក់ផ្អើល រវាងភាគីខាងកូនក្រមុំ និងខាងកូនកំលោះ បណ្ដាលឲ្យមានអ្នករងរបួស កាលពីវេលម៉ោង២និង១៥នាទីរសៀលថ្ងៃទី១៧ ខែធ្នូ ឆ្នាំ២០១៨ ត្រង់ចំណុចភូមិព្រែក១ ឃុំសំរោង ស្រុកភ្នំក្រវ៉ាញ ខេត្តពោធិ៍សាត់។

សមត្ថកិច្ចបាន​ឲ្យដឹងថាក្រុមគ្រួសារ​ខាងកូនស្រី និងកូនប្រុស បានរៀបចំ​មង្គលការកូន​ នៅចំណុច​ខាងលើ ដោយដល់​ម៉ោងទទួល​ភ្ញៀវទាំងស​ងខាង បានបរិភោគ​អាហារ ដើម្បីអបអរសាទរ ក្នុងពិធី​អាពាហ៍ពិពាហ៍កូ​នប្រុសកូ​នស្រី។

លុះដល់ភ្ញៀ​វខាងប្រុសផឹកស្រាអស់ ហើយអ្នក​រត់តុបម្រើ​មិនទាន់មកដល់ ភ្ញៀវខា​ងប្រុសមួយ​ ក្រុមមាន​គ្នា០៧នាក់ បានបបួល​គ្នាទិញស្រា ពីខាងក្រៅ​មកផឹក​បន្តទៀត ប៉ុន្តែសាច់ញាតិ​ខាងស្រី មិនព្រម​ឲ្យទិញ ព្រោះស្រានៅ​ក្នុងពិធី​មិនទាន់អស់​នៅឡើយ ខណ:នោះ ក៏​ឮសម្តីនិយាយ​ពីភ្ញៀវខាង​ប្រុសថា ពួកស្រុកស្រែ បាន​តែវៃ​សម្លាប់ចោលទេ ភ្លាមៗនោះ​ ក៏កើតរឿងផ្ទុះជាហិង្សា​ឡើង ដោយភ្ញៀវខាងកូនកំលោះ និងខាងកូនក្រមុំវាយតប់​គ្នាផ្អើល​ពេញរោង​ការតែម្តង បណ្តាលឲ្យមាន​អ្នករងរបួស​ធ្ងន់ស្រាល​ពីរនាក់ ។

ជនរងគ្រោះទី១ឈ្មោះ ម៉ន ម៉ាន់ ភេទប្រុស អាយុ៣២ឆ្នាំ រស់នៅភូមិថ្មី ឃុំតាលោ ស្រុកបាកាន ខេត្តពោធិ៍សាត់ របួសធ្ងន់ និងទី២ឈ្មោះ ម៉ន ធីន ភេទប្រុស អាយុ២៦ឆ្នាំ រស់នៅភូមិធ្នោះតាចាប ឃុំស្នាមព្រះ ស្រុកបាកាន របួសស្រាល (ភ្ញៀវខាងកូនកំលោះ)។

ករណីនេះ ភាគីខាងស្រី បានដាក់​ពាក្យបណ្តឹង​ទៅសមត្ថកិច្ច នៅព្រឹកថ្ងៃ​ទី១៨នេះ ដើម្បីរកយុត្តិធម៌​ជូនភាគី​ខាងស្រី តែយ៉ាងណានោះ សមត្ថកិច្ច​ពុំទាន់មាន​ដំណោះស្រាយ​នៅឡើយ កំពុងធ្វើ​ការស្រាវ​ជ្រាវ ដើម្បីកសាងសំណុំរឿង ​ចាត់ការ​តាមនិតិវិធី៕