ស្វាយរៀង: ស្ត្រីម្នាក់មានផ្ទៃពោះជិតគ្រប់ខែទៅហើយ ត្រូវបានក្រុមជនសង្ស័យជាជនជាតិចិន២នាក់ សង្ស័យដាក់ថ្នាំសណ្តំ ដោយប្រើល្បិចចូលមកទិញបារី១កញ្ចប់ ហើយពេលនេះស្រាប់តែស្ត្រីរងគ្រោះនិយាយអ្វីមិនចេញ ហើយបានដើរទៅយកកេសលុយដែលខ្លួនខំសន្សំសម្រាប់ទុកសម្រាលកូន យកលុយចំនួន៣០០ដុល្លារ ឲ្យទៅជនជាតិចិនទាំងនោះអស់រលីង ក្រោយមកទើបបង្កការភ្ញាក់ផ្អើល។
ករណីនេះកើតឡើងនៅម៉ោង៨និង៤០នាទីព្រឹកថ្ងៃទី១៧ ខែធ្នូ ឆ្នាំ២០១៨ ភូមិស្វាយតាយាន ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
ក្រោយកើតហេតុជនសង្ស័យទាំងនោះបានគេចខ្លួនបាត់អស់ ។ ហើយសូមបញ្ជាក់ថា ក្នុងថ្ងៃតែ១ ក៏មានករណីជនជាតិចិនចូលចាក់សាំងហើយធ្វើសកម្មភាពគំរាមយកលុយអស់១លានរៀល មួយករណីទៀតផងដែរ៕
មតិយោបល់