Post News Media ព័ត៌មានជាតិ ទ្រង់ទ្រាយធំ!...

ទ្រង់ទ្រាយធំ! អាវុធហត្ថខេត្តតាកែវ សហការជាមួយអាវុធហត្ថខេត្តកំពង់ស្ពឺ បង្រ្កាបករណីគ្រឿងញៀន ឃាត់ខ្លួនបានជនសង្ស័យជាច្រើន​នាក់!

កំពង់ស្ពឺ: នៅថ្ងៃទី២០ ខែធ្នូ ឆ្នាំ២០១៨ នៅក្នុងភូមិធ្លក ឃុំជង្រុក ស្រុកគងពិសី ខេត្តកំពង់ស្ពឺ កម្លាំងកងរាជអាវុធហត្ថខេត្តតាកែវ បានមកសហការជាមួយកម្លាំងមូលដ្ឋានកងរាជអាវុធហត្ថស្រុកគងពិសី ដោយមានការសម្របសម្រួលពីលោកស្រី ចាត សូរស្មី ព្រះរាជអាជ្ញាអមសាលាដំបូងខេត្តកំពង់ស្ពឺ បានឃាត់ខ្លួនជនសង្ស័យចំនួន​៦នាក់ ទី១​ឈ្មោះ សាក់ ភារិន ភេទប្រុស អាយុ៣៤ឆ្នាំ មុខរបរមិនពិតប្រាកដ មានទីលំនៅភូមិដូង ឃុំដូង ស្រុកបាទី ខេត្តតាកែវ។ ទី២ឈ្មោះ អឿង ភត្រា ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅភូមិកាយ៉េវ ឃុំជង្រុក ស្រុកគងពិសី ខេត្តកំពង់ស្ពឺ។ ទី៣​ឈ្មោះ សង សំអុល ភេទប្រុស អាយុ៣៨ឆ្នាំ មុខរបរមិនពិតប្រាកដ មានទីលំនៅភូមិបែកចាន ឃុំបែកចាន ស្រុកអង្គស្នួល ខេត្តកណ្តាល។ ទី៤​ឈ្មោះ ហ៊ន មករា ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិភូមិកំណប់ ឃុំតាំងដូង ស្រុកបាទី ខេត្តតាកែវ។ ទី៥​ឈ្មោះ ទូច គន្ធី ភេទប្រុស អាយុ៣៤ឆ្នាំ មុខរបរមិនពិតប្រាកដ មានទីលំនៅភូមិសាំងជីម៉ែល ឃុំវាល ស្រុកគងពិសី ខេត្តកំពង់ស្ពឺ។ និងទី៦​ឈ្មោះ ហ៊ន សុខហ៊ីម ភេទប្រុស អាយុ​២៩ឆ្នាំ មុខរបរ មិនពិតប្រាកដ មានទីលំនៅភូមិចក ឃុំបែកចក ស្រុកអង្គស្នួល ខេត្តកណ្តាល​។

កម្លាំងបានដកហូតបានវត្ថុតាង សម្ភារ:រួមមាន៖ ម្សៅក្រាមសថ្លាចំនួន៤កញ្ចប់, ម៉ូតូ៤គ្រឿង, ដាវ១,ទូរស័ព្ទ៥គ្រឿង, សម្ភារ:សេព​នឹង​វេចខ្ចប់មួយចំនួន។

បច្ចុប្បន្ន ជនសង្ស័យ និងវត្ថុតាងសម្ភារ:ទាំងអស់ កម្លាំងមូលដ្ឋានកងរាជអាវុធហត្ថស្រុកគងពិសីបានប្រគល់ទៅឲ្យកម្លាំងកងរាជអាវុធហត្ថ ខេត្តតាកែវដើម្បីបន្តនីតិវិធីតាមច្បាប់​៕