Post News Media ព័ត៌មានជាតិ ម៉ូតូមួយគ្រឿង...

ម៉ូតូមួយគ្រឿង បោះពួយលឿន ពន្លះគូទគោយន្ត បណ្ដាល​ឲ្យរបួស​ធ្ងន់បុរសម្នាក់

ពោធិ៍សាត់: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា បុរស​ម្នាក់​បើក​ម៉ូតូ​លើស​ល្បឿន ខ្វះ​ការប្រុងប្រយ័ត្ន បណ្តា​យ​ឲ្យ​បុក​គោយន្ត​ពីក្រោយ​រងរបួស​ធ្ងន់ ស្ថិតក្នុង​ភូមិ​ចាន់​សេរី ឃុំ​បាក់​ចិញ្ចៀន ស្រុក​ភ្នំក្រវាញ ខេត្ត​ពោធិ៍សាត់ លើ​ផ្លូវជាតិ​លេខ​៥៥ ចន្លោះ​បង្គោលគីឡូម៉ែត្រ​លេខ​២១-២២។

ហេតុ​កាល​នេះ​ បាន​កើតឡើង​កាលពី​ថ្ងៃ​ទី​២០ ខែ​ធ្នូ ឆ្នាំ​២០១៨ វេលា​ម៉ោង​៦​និង​២០​នាទី​ល្ងាច​។ របាយការណ៍​របស់​ស​ម​ត្ថ​កិច្ចនគរ​បាល​នៅ​កន្លែងកើតហេតុ បានឲ្យដឹងថា​៖ បុរស​រងគ្រោះ​មាន ឈ្មោះ ខៀវ ម៉ី អាយុ​១៨​ឆ្នាំ នៅ​ភូមិ​គល់​ទទឹង ឃុំ​ស​ន្ទ្រែ ស្រុក​ភ្នំក្រវាញ ខេត្ត​ពោធិ៍សាត់ ។​

​របាយការណ៍​របស់​ស​ម​ត្ថ​កិច្ចនគរ​បាល បាន​បន្តទៀតថា​៖ អ្នកបើក​គោយន្ត​កន្ត្រៃ​១​គ្រឿង​ម៉ា​គូ​បូ​តា ​ពណ៌​ក្រហម ​បើក​តាម​បណ្តោយ​ផ្លូវជាតិ​លេខ​៥៥ ​ក្នុង​ទិសដៅ​ពី​ជើង​ទៅ​ត្បូង​បើកបរ​ដោយ​ឈ្មោះ ប៉ាវ ស្រី ភេទ​ប្រុស អាយុ​២៤​ឆ្នាំ​មុខរបរ​កសិករ រស់នៅ​ភូមិ​សំរោង ឃុំ​សំរោង ស្រុក​ភ្នំក្រវាញ​។

លុះ​មកដល់​ចំណុចកើតហេតុ​គោយន្ត​បាន​ឈប់​នៅលើ​ចិញ្ចើមផ្លូវ មួយសន្ទុះ​ក្រោយមក​ក៏​ស្រាប់តែ​ឃើញ​បុរស​រងគ្រោះ​ខាងលើ​ជិះ​ម៉ូតូ​ម៉ាក​ហុងដា​(​ទ្រី​ម​)​ពណ៌​ខ្មៅ​ ស៊េរី​២០១៨ បើកបរ​បោះពួយ​យ៉ាង​លឿន ​ក្នុង​ទិសដៅ​ស្របគ្នា ខណ:មកដល់​ចំណុចកើតហេតុ ក៏បើក​បុក​គោយន្ត​ពីក្រោយ​ចូល​ក្រោមរ​ទេះ​ បណ្តាល​ឲ្យ​បុរស​រងគ្រោះ​ឈ្មោះ ខៀវ ម៉ី ខ្ទាត​ចេញពី​ម៉ូតូ​របស់​ខ្លួន​ រងរបួស​យ៉ាងធ្ងន់ធ្ងរ ។

បច្ចុប្បន្នជនរងគ្រោះ​ បាន​បញ្ជូន​ទៅ​សង្គ្រោះ​នៅ​មន្ទីរពេទ្យ​ពោធិ៍សាត់ ចំពោះ​ម៉ូតូ​និង​គោយន្ត​សមត្ថកិច្ច​យកទៅ​រក្សាទុក​រង់ចាំ​ការដោះស្រាយ​ទៅ​តាម​និតិ​វិធី​ច្បាប់​៕