ភ្នំពេញ: យោងតាមអគ្គស្នងការដ្ឋាននគរបាលជាតិ បានឲ្យដឹងថា យុវជន៣នាក់ ជាកូនសិស្សលោកស្នាក់នៅវត្តបទុមវតី ត្រូវបានកម្លាំងសមត្ថកិច្ចបញ្ជូនទៅមណ្ឌលព្យាបាលបន្សាបគ្រឿងញៀនឱកាសខ្ញុំ កាលពីថ្ងៃទី២៣ ខែធ្នូ ឆ្នាំ២០១៨ វេលាម៉ោង១០និង៣០នាទី ។
តាមការឲ្យដឹងពីអធិការដ្ឋាននិងប៉ុស្តិ៍នគរបាលរដ្ឋបាលចតុមុខ បានទទួលលិខិតចម្រើនពរ ជួយអន្តរាគមន៍ ពីសម្តេចព្រះចៅអធិការវត្តបទុមវត្តី និងទទួលបានការអនុញ្ញាតពីលោកស្រី ម៉ាកនី ព្រះរាជអាជ្ញារង អយ្យការអមសាលាដំបូងរាជធានីភ្នំពេញ សូមឲ្យកម្លាំងសមត្ថកិច្ចជួយបញ្ជូនយុវជនរងគ្រោះ៣នាក់ (កូនសិស្សលោក) ទៅមណ្ឌលព្យាបាលបន្សាបគ្រឿងញៀនឱកាសខ្ញុំ។
យុវជនទាំង៣នាក់រួមមាន ៖
១. ឈ្មោះ តុ សិលា ភេទប្រុស អាយុ២៧ឆ្នាំ ជនជាតិខ្មែរ ស្នាក់នៅកុដិលេខ១ វត្តបទុមវតី ។
២.ឈ្មោះ ឆោម អ៊ាន ភេទប្រុស អាយុ២៧ឆ្នាំ ជនជាតិខ្មែរ ស្នាក់នៅ កុដិលេខ១ វត្តបទុមវតី ។
៣.ឈ្មោះ លីវ ឌីណា ភេទប្រុស អាយុ៣២ឆ្នាំ ជនជាតិខ្មែរ ស្នាក់នៅ កុដិលេខ១ វត្តបទុមវតី ៕
មតិយោបល់