Post News Media ព័ត៌មានជាតិ ការងារមានច្រើ...

ការងារមានច្រើន​មិនធ្វើ បែរជានាំគ្នាប្រកបរបរលក់គ្រឿងញៀន..!

សៀមរាប: កាលពីវេលាម៉ោង១០ ថ្ងៃទី២៤ ខែ​ធ្នូ ឆ្នាំ​២០១៨ កម្លាំងការិយាល័យប្រឆាំងគ្រឿងញៀន ដោយបានការចូលរួមសហការពីកម្លាំងប៉ុស្តិ៍នគរបាលរដ្ឋបាលសង្កាត់ជ្រាវ បានចុះបង្ក្រាប ករណីរក្សាទុកនិងជួញដូរដោយខុសច្បាប់នូវសារធាតុញៀននៅ ចំណុចភូមិខ្នារ សង្កាត់ជ្រាវ ក្រុង/ខេត្តសៀមរាប។

ឃាត់ខ្លួនជនសង្ស័យចំនួន៦នាក់ ទី១​ឈ្មោះ ពាង អារីហ្វីន ហៅពីន ភេទប្រុស ឆ្នាំកំណើត ១៩៨៧ មុខរបរគ្មាន ទីលំនៅភូមិសាលាកម្រើក សង្កាត់សាលាកម្រើក ក្រុង ខេត្តសៀមរាប (រក្សាទុកនិងជួញដូរ) (មានសារធាតុញៀនក្នុងខ្លួន),ទី២​ឈ្មោះ ឆាត សំណាង ភេទប្រុស ឆ្នាំកំណើត១៩៨៨ មានទីលំនៅភូមិដកពោធិ៍ សង្កាត់ស្លក្រាម ក្រុង ខេត្តសៀមរាប (ជួញដូរ) (មានសារធាតុញៀនក្នុងខ្លួន), ទី៣​ឈ្មោះ កែម កេត ភេទប្រុស ឆ្នាំកំណើត១៩៩៩ មុខរបរគ្មាន មានទីលំនៅភូមិកសិកម្ម សង្កាត់ស្រង៉ែ ក្រុងខេត្តសៀមរាប(ចាត់ចែង)(មានសារធាតុញៀនក្នុងខ្លួន),ទី៤​ឈ្មោះ រឿន សាត ភេទប្រុស ឆ្នាំកំណើត២០០០ មុខរបរគ្មាន មានទីលំនៅភូមិសាលាកន្សែង សង្កាត់ស្វាយដង្គំ ក្រុង ខេត្តសៀមរាប(ចាត់ចែង)(មានសារធាតុញៀនក្នុងខ្លួន), ទី៥​ឈ្មោះ ឡេង ស្រី ពេជ្រ ភេទស្រី ឆ្នាំកំណើត២០០១ មុខរបរគ្មាន មានទីលំនៅភូមិអញ្ចាញ សង្កាត់នគរធំ ក្រុង ខេត្តសៀមរាប(សមគំនិតជួញដូរ)(គ្មានសារធាតុញៀនក្នុងខ្លួន) និងទី៦​ឈ្មោះ កែវ រីណា ភេទស្រី ឆ្នាំកំណើត១៩៩៥ មុខរបរគ្មាន មានទីលំនៅភូមិបឹង សង្កាត់ជ្រាវ ក្រុង ខេត្តសៀមរាប(សមគំនិតជួញដូរ)(គ្មានសារធាតុញៀនក្នុងខ្លួន)។

វត្ថុតាងដកហូត៖ ម្សៅមេតំហ្វេតាមីនប្រភេទទឹកកក ចំនួន១៧កញ្ចប់ស្មើនឹងទំងន់២៥,៤ក្រាម (ទំងន់សុទ្ធ) ជញ្ជីងថ្លឹងគ្រឿងញៀនចំនួន​១គ្រឿង ឧបករណ៍ប្រើប្រាស់និងសម្ភារ:វេចខ្ចប់គ្រឿងញៀនមួយចំនួន ទូរស័ព្ទដៃចំនួន​៦គ្រឿងនិងដាវដែកចំនួន​៤ដើម។
​បច្ចប្បន្ន ជន​សង្ស័យត្រូវបានសមត្ថកិច្ចបញ្ជូនទៅសាលាដំបូងខេត្តនៅថ្ងៃទី២៥ខែធ្នូ ឆ្នាំ ២០១៨​៕