Post News Media ព័ត៌មានជាតិ សមត្ថកិច្ចណាម...

សមត្ថកិច្ចណាម្នាក់ ហ៊ាន​ផាកពិន័យមិនចេញ​ប័ណ្ណពិ​ន័យ ឫ​ស​រសេរក្នុងប័ណ្ណពិន័យចំនួនប្រាក់ពិន័យផ្សេងពីទឹកប្រាក់​ដែលបានពិន័យ សូមប្រញាប់ប្រាប់មកកាន់ស្នងការដ្ឋានខេត្តបាត់ដំបងភ្លាម លោកស្នងការនឹងចាត់វិធានការ!!!

បាត់ដំបង: យោងតាមផេកស្នងការដ្ឋាននគរបាលខេត្តបាត់ដំបង បានឲ្យដឹងថា ក្រុមការងារប្រតិកម្មរហ័សនៃស្នងការដ្ឋាននគរបាលខេត្តបាត់ដំបង​ សូមជម្រាបជូនថា​៖ ថ្មីៗ​នេះអ្នកប្រើប្រាស់បណ្តាញសង្គមហ្វេសប៊ុក បានលើកឡើងចំពោះកិច្ចប្រតិបត្តិការរបស់មន្ត្រីនគរបាល(ចរាចរណ៍ផ្លូវគោក) នៃស្នងការដ្ឋាននគរ​បាលខេត្តបាត់ដំបង​ ដែលបំពេញភារកិច្ចលើដងផ្លូវ​។​

ទាក់​ទងនឹងបញ្ហានេះ​ លោកវរសេនីយ៍ឯក​ សាត​ គឹម​សាន្ត​ នាយការិយាល័យនគរបាលចរា​ចរណ៍ផ្លូវគោកនៃស្នងការដ្ឋានបានបញ្ជាក់ថា​ ការ​ប​ញ្ឈប់​យានយន្តដែលធ្វើចរាចរណ៍តាមដងផ្លូវ ក្នុង​បំ​ណងត្រួ​តពិនិត្យរាល់ឯកសារនានា គឺនគរ​បាល​បានបំ​ពេញនូវតួនាទី​និងភាកិច្ចរបស់ខ្លួនហើយ​ទោះបីជាការត្រួតពិនិត្យយានយន្តនោះដោយញឹក​ញយក៏ដោយ​។

ករណីដែលលើកឡើងថា​ នគរបាលចរាច​រ​ណ៍បានបញ្ឈប់យានយន្តហើយ​សុំប្រាក់ពីម្ចា​ស់​យានយន្តដោយគ្មានហេតុផលនោះ​ លោកវរសេ​នីយ៍ឯក​ សាត​ គឹមសាន​ បានលើកឡើងថា​ នោះគឺជាអំពើល្មើសច្បាប់(ប្រសិនបើដូចការលើកឡើងនោះ​មែន)។

ជាមួយគ្នានេះ​លោកឧត្តមសេនីយ៍ទោ​ អ៊ុច​ សុខុន​ ស្នងការនៃស្នងការដ្ឋាន​នគរបាលខេត្ត​បាត់​ដំបង​ ធ្លាប់បានបញ្ជាក់ទាំងពេលមុនក៏ដូចពេលបច្ចុប្បន្នថា​ ករណីដែលមានមន្ត្រីនគរបាលចរាចរណ៍​ណាម្នាក់អនុវត្តដោយខុសឆ្គង (ការទាម​ទារប្រាក់ក្នុងករណីអ្នកបញ្ជាយានយន្តមិនមានកំហុស ឬមាន​កំហុសតែការ​ផាកពិន័យមិនចេញ​ប័ណ្ណពិ​ន័យ ឫ​ស​រសេរក្នុងប័ណ្ណពិន័យចំនួនប្រាក់ពិន័យផ្សេងពីទឹកប្រាក់​ដែលបានពិន័យ) សូមប្រជាព​លរដ្ឋ​ពិសេសអ្នកប្រើ​ប្រាស់យានយន្តដែលទទួលរងនូវភាពអយុត្តិធម៌នេះ រាយការណ៍ជូនមកស្នងការដ្ឋាននគរបាលខេត្តបាត់ដំ​បង តាមរយ:ក្រុមការ​ងារប្រតិកម្មរហ័សតាមរ​យ:​លេខទូរ​ស័ព្ទ (071​4333352/01253​0230) ឬផ្ញើខ្លឹមសារចូល​ក្នុង(Inboxpage)ផ្លូវការរបស់ស្នងការដ្ឋាននគរបាលខេត្តបាត់ដំបង​ ដើម្បីស្នងការដ្ឋានធ្វើការ​ស្រាវជ្រាវ និងមានវិធានការចំពោះមន្ត្រីនគរ​បាលនោះស្របតាមកំហុសឆ្គងដែលបានប្រព្រឹត្ត​ សូមអរគុណ៕