ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៧ ខែធ្នូ ឆ្នាំ២០១៨ វេលាម៉ោង១១និង០០នាទី កម្លាំងប៉ុស្តិ៍នគរបាលរដ្ឋបាលផ្សារថ្មីទី៣ នៃអធិការដ្ឋាននគរបាលខណ្ឌដូនពេញ បានធ្វើការឃាត់ខ្លួនជនសង្ស័យចំនួន០១នាក់ ពីបទលួចម៉ូតូ នៅចំណុចមុខផ្ទះលេខ១៧Eo ផ្លូវលេខ៥១ ភូមិ១៣ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ កាលពីថ្ងៃទី០៧ ខែធ្នូ ឆ្នាំ២០១៨ វេលាម៉ោង១៤ ម៉១៧នាទី ។
ជនសង្ស័យឈ្មោះ សុក ពិសិដ្ឋ ភេទប្រុស អាយុ៣២ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ ។
វត្ថុតាងចាប់យក ៖ ម៉ូតូមួយគ្រឿងម៉ាក HONDA DREAM125 ពណ៌ខ្មៅ ស៊េរី2014 ពាក់ផ្លាកលេខ ភ្នំពេញ 1CM-9108 លេខតួនិងលេខម៉ាស៊ីន9165351(ប្រគល់ឲ្យជនរងគ្រោះយកទៅប្រើប្រាស់ជាបណ្តោះអាសន្ន) , -កាបូបស្ពាយ(សាកាដូ) ពណ៌ខ្មៅមួយ, -ទូរស័ព្ទដៃម៉ាកIPHONE5 ពណ៌ទឹកប្រាក់ មួយ, -ខោអាវមួយចំនួន។
ម្ចាស់ម៉ូតូឈ្មោះ ប៊ូ ច័ន្ទសឿន ភេទប្រុស អាយុ៤៩ឆ្នាំ ជនជាតិខ្មែរ មុខរបរនិស្សិត ស្នាក់នៅផ្ទះលេខ១៧អឺ០ ផ្លូវលេខ៥១ ភូមិទី១៣ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
បច្ចុប្បន្ន កម្លាំងជំនាញកសាងសំណុំរឿងអនុវត្តតាមនីតិវិធី ៕
មតិយោបល់