ព័ត៌មានជាតិ

ជនជាតិ​កេ​ន​យ៉ា​ម្នាក់​ ធ្វើការ​គ្មាន​ប័ណ្ណ​ការងារ​ ទិដ្ឋាការ​ហួស​សុពលភាព​ និង​ដើរ​ចំលង​មេរោគ​អេ​ដស៍​ដល់​ស្ត្រី​ជា​ច្រើន​ ត្រូវ​នគរបាល​ឃាត់ខ្លួន​

​ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ជនជាតិ​បរទេស​ម្នាក់ ត្រូវ​បាន​នគរបាល​អន្តោប្រវេសន៍​ ឃាត់ខ្លួន​នៅ​ចំណុច ​Joma​ Café​ ផ្លូវ​១៥៥​ សង្កាត់​ទួល​ទំពូង​១​ ខណ្ឌចម្ការមន​ នៅ​វេលា​ម៉ោង​១៣​ និង​៣០​នាទី​ថ្ងៃ​ទី​២៨​ ខែធ្នូ​ ឆ្នាំ​២០១៨​។​

​លោក​វរសេនីយ៍ទោ​ ជា​ ចិ​ត្រា​ នាយការិយាល័យ​ស៊ើបអង្កេត​និង​អនុវត្ត​នីតិវិធី​រាជធានី​ភ្នំពេញ ​បាន​ឲ្យ​ដឹង​ថា​ ជនបរទេស​ដែល​សមត្ថកិច្ច​ឃាត់ខ្លួន​ឈ្មោះ​ AMIT​ DILIP​ KUMA​ PATEL​ ភេទ​ប្រុស​ អាយុ​៣៨​ឆ្នាំ​ ជនជាតិ​កេ​ន​យ៉ា​ (​គ្មាន​លិខិតឆ្លងដែន​ជាប់​នឹង​ខ្លួន​)​ ពី​បទ​ធ្វើការ​គ្មាន​ប័ណ្ណ​ការងារ​ ទិដ្ឋាការ​ហួស​សុពលភាព​ និង​ដើរ​ចម្លង​មេរោគ​អេ​ដស៍​ដល់​ស្ត្រី​ជា​ច្រើន​។​

ក្រោយ​កើតហេតុ​ជនបរទេស​ខាង​លើ​ ត្រូវបាន​បញ្ជូន​ទៅ​អគ្គនាយកដ្ឋាន ​ដើម្បី​អនុវត្ត​នីតិវិធី​បន្ត​នៃ​ច្បាប់​៕

មតិយោបល់