បន្ទាយមានជ័យៈ នៅវេលាម៉ោង ៨និង១០ព្រឹក ថ្ងៃទី៣ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍មួយ រវាងម៉ូតបុកនិងរថយន្ត បណ្ដាលឲ្យបុរសម្នាក់រងរបួសធ្ងន់ នៅត្រង់ចំណុចផ្សារចំការគរ (ផ្សារថ្មី) សង្កាត់កំពង់ស្វាយ ក្រុងសិរីសោភ័ណ។
ជនរងគ្រោះមានឈ្មោះ ហ៊ីង សំបាន ភេទប្រុស អាយុ៣០ឆ្នាំ បុខរបរមន្ត្រីយោធា មានទីលំនៅភូមិពងទឹក ឃុំអំបិល ស្រុកបន្ទាយអំបិល ខេត្តឧត្តរមានជ័យ។ ចំណែកម្ចាស់រថយន្ត មិនត្រូវបានស្គាល់អត្តសញ្ញាណនោះទេ ។
សមត្ថកិច្ច បានឲ្យដឹងថា មុនពេលកើតហេតុគេឃើញមន្ត្រីយោធាម្នាក់បានបើកបរម៉ូតូមួយគ្រឿង ម៉ាក WAVE 110 ពណ៌ខ្មៅ ពាក់ស្លាកលេខ ឧត្តមានជ័យ 1D-4399 ធ្វើដំណើរពីជើងទៅត្បូង ក្នុងល្បឿនលឿន លុះមកដល់ចំណុចកើតហេតុ មានរថយន្តហាយទ្បែនឌ័រមួយគ្រឿង ពាក់ស្លាកលេខ ភ្នំពេញ 2W-6795 បើកចេញពីផ្សារក្នុងល្បឿនយឺតឡើងលើផ្លូវជាតិ ឆ្ពោះទៅទិសខាងត្បូងបានបន្តិច ក៏ត្រូវម៉ូតូខាងលើបុកពីក្រោយពេញទំហឹង បណ្តាលឲ្យជនរងគ្រោះ ដួលបោកក្បាលនឹងថ្នល់រងរបួសធ្ងន់ ត្រូវបានរថយន្តសង្គ្រោះដឹកយកទៅមន្ទីរពេទ្យបង្អែកមិត្តភាពកម្ពុជា-ជប៉ុន ស្រុកមង្គលបូរី។
ករណីនេះ ម៉ូតូរងការខូចខាតធ្ងន់ធ្ងរ រីឯរថយន្តខូចខាតផ្នែកខាងក្រោយមួយចំហៀង៕
មតិយោបល់