ផ្ទះ ព័ត៌មានជាតិ ​រថយន្តដឹកកម្...

​រថយន្តដឹកកម្មករ បើកកៀកគ្នាទៅបុកពីក្រោយរថយន្តស៊ីទែន រងរបួសជាច្រើននាក់ នៅស្វាយរៀង!

0

ស្វាយរៀង: នៅវេលាម៉ោង៦និង៣០នាទីព្រឹក ថ្ងៃទី០៣ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍កើតឡើងរវាងរថយន្តនិងរថយន្តដឹកកម្មករ​ បណ្ដាលឲ្យរងរបួស១៥នាក់ ក្នុងនោះមានប្រុសម្នាក់ នៅ​​លើផ្លូវជាតិលេខ១ ចន្លោះគីឡូម៉ែត្រ១៣៩-១៤០ ភូមិថ្នល់កែង ឃុំកណ្ដៀងរាយ ស្រុកស្វាយទាប ខេត្តស្វាយរៀង។

​រថយន្តបង្ក​ម៉ាក ហ៊ីយ៉ាន់ដាយ ពណ៌ស ស្លាកលេខ ភ្នំពេញ3D-4014 បើកបរដោយឈ្មោះ ខៀវ ហន ភេទប្រុស អាយុ២៥​ឆ្នាំ មុខរបរ បើកបរ រស់នៅភូមិថ្លុកព្រីងឃុំពពែត ស្រុកស្វាយទាប ខេត្តស្វាយរៀង គ្មានរបួសស្នាម បើកបរក្នុងទិសដៅពីលិចទៅកើត។ លុះមកដល់កន្លែងកើតហេតុ បានបុកគូទរថយន្តស៊ីទែនពីក្រោម ហើយរថយន្តស៊ីទែនក៏ទៅបាត់ ចំណែករថយន្តបង្កនៅកន្លែងកើតហេតុ មានកម្មកររួមដំណើរ​៦០នាក់ បណ្ដាលឲ្យរងរបួស១៥នាក់ក្នុងនោះមានប្រុសម្នាក់ សម្រាកព្យាបាលនៅ​មន្ទីរពេទ្យបង្អែកស្រុកស្វាយទាប (អ្នកទាំងអស់រងរបួសស្រាល)។

​មូលហេតុ បើកបរកៀកគ្នាទុកចន្លោះសុវត្ថិភាពមិនគ្រប់គ្រាន់ នៅពេលរថយន្តខាងមុខជាន់ហ្រ្វាំ រថយន្តពីក្រោយជាន់ហ្រ្វាំង មិនជាប់ទៅមុខបុកគូទរថយន្តខាងមុខតែម្តង​។​

ចំពោះករណីនេះ រថយន្តដឹកកម្មករបានរក្សាទុកនៅអធិការដ្ឋាននគរបាលស្រុកស្វាយទាបនិងអ្នកបើកបរឃាត់ខ្លួននៅអធិការ៕

Loading...

Leave a Reply

This site uses Akismet to reduce spam. Learn how your comment data is processed.