Post News Media ព័ត៌មានជាតិ ​ក្រុមចោរវ័យក...

​ក្រុមចោរវ័យក្មេង២នាក់ ចេញស្តាដំបូងឆក់កាបូបជនបរទេស គេចមិនរួចជាប់ខ្នោះ!

​សៀមរាប: ជនសង្ស័យ២នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីលួចមានស្ថានទម្ងន់ទោស(ឆក់ភ្ញៀវទេសចរណ៍)កាលពីវេលាម៉ោង៨យប់ ថ្ងៃទី០២ ខែមករា ឆ្នាំ២០១៨ នៅម្តុំផ្សារដីហុយ ក្នុងភូមិ វត្តដំណាក់ សង្កាត់​សាលាកំរើក ក្រុង-ខេត្តសៀមរាប។

ជនសង្ស័យទាំង២នាក់ ទី១​មានឈ្មោះ យ៉េប អារ៉ូហ្វូន ភេទ​ប្រុស អាយុ១៩ឆ្នាំ មានទីលំនៅភូមិ ទស្សិណត្បូង សង្កាត់ គោកចក ក្រុង ខេត្ត​សៀមរាប និងទី២​ឈ្មោះ សាវិន វណ្ណារ៉ាត់ ភេទ​ប្រុស អាយុ១៨ឆ្នាំ មានទីលំនៅ ភូមិ មណ្ឌល៣ សង្កាត់​ស្លក្រាម ក្រុង​-ខេត្ត​សៀមរាប។​ ចំណែកជនរងគ្រោះ​ឈ្មោះ MULRiEL SERRADELL ភេទស្រី អាយុ៦២ឆ្នាំ ជនជាតិបារាំ ជាភ្ញៀវទេសចរណ៍។​

​​ភ្លាមៗនោះកម្លាំងល្បាតពួនស្ទាក់ និងកម្លាំងឈរលើដងផ្លូវ មាន​កម្លាំងការិយាល័យព្រហ្មទណ្ឌកម្រិតស្រាល កម្លាំងការិយាល័យចរាចរផ្លូវគោក កម្លាំងការិយាល័យការពារនិងអន្តរាគម និង កម្លាំងនៃអធិការដ្ឋានក្រុងសៀមរាប កម្លាំងអង្គភាពទេសចរណ៍ បានប្រដេញនិងស្ទាក់ចាប់បានជនសង្ស័ទាំង២នាក់ខាងលើ នៅចំណុចមុខស្ថានីយ៍ប្រេងឥន្ទន:តូតាល់ ស្ថិតនៅភូមិចុងកៅស៊ូ សង្កាត់ស្លក្រាមក្រុងខេត្តសៀមរាប និងដកហូតវត្ថុតាងដែលឆក់បានប្រគល់ឲ្យជនរងគ្រោះវិញ។

ជនសង្ស័យទាំង២នាក់ បានសារភាពថា ពួកខ្លួនពិតជាបានជាបានឆក់ស្ត្រីជនជាតិបារាំងខាងលើពិតប្រាកដមែន ហើយជនសង្ស័យទាំង២នាក់ធ្វើតេស្តវិជ្ជមាននូវសារធាតុញៀន។

ករណីនេះកំពុងរៀបចំសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់៕