Post News Media ព័ត៌មានជាតិ មន្ត្រីនគរបាល...

មន្ត្រីនគរបាល​ប្រឆាំងគ្រឿងញៀនម្នាក់ ជិះម៉ូតូឆ្លងបញ្ច្រាសទិសលឿន បុកម៉ូតូFZជិះលឿនដូចគ្នា រងរបួសធ្ងន់ទាំងសងខាង!

ភ្នំពេញ: កាលពីវេលាម៉ោង១១និង៣០នាទីយប់ ថ្ងៃទី០២ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍មួយ​បានកើតមានឡើង រវាងម៉ូតូធំមួយគ្រឿង ម៉ាក FZ និងម៉ូតូ ViVA​បុកគ្នាចំពេញទំហឹង បណ្ដាលឲ្យភាគីទាំងសងខាង រងរបួសធ្ងន់​ នៅតាមបណ្ដោយផ្លូវជាតិលេខ២ ភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ​។

​បើតាមប្រភពព័ត៌មាន បានឲ្យដឹងថា នៅមុនពេលកើតហេតុ គេបានឃើញបុរសម្នាក់​ ដែលគេស្គាល់ថាជាមន្ត្រីនគរបាល​ប្រឆាំងគ្រឿងញៀន ទំនងជាស្រវឹងស្រា​ បានជិះម៉ូតូ VIVA មួយគ្រឿង​ ពណ៌ឈាមជ្រូក​ ពាក់ស្លាកលេខនគរបាល​ 1-5560 ធ្វើដំណើរចេញពីច្រកចេញចូលផ្សារក្រមួន រួចឡើងមកផ្លូវជាតិលេខ២ រួចឆ្លងបញ្ច្រាសទិសដៅចរាចរណ៍ ក្នុងល្បឿនយ៉ាងលឿន ស្រាប់តែមានម៉ូតូធំមួយគ្រឿងទៀត ម៉ាក Honda FZ ពណ៌ខ្មៅ​ ពាក់ស្លាកលេខភ្នំពេញ​ 1DB-3517 បើកបរដោយបុរសម្នាក់ ធ្វើដំណើរពីជើងមកត្បូង​ ក្នុងល្បឿនយ៉ាងលឿនដូចគ្នា បានទៅបុកគ្នាចំពេញទំហឹងតែម្តង បណ្តាលឲ្យ​រងរបួស​ទាំងសងខាងតែម្តង។

​ក្រោយពេលកើតហេតុ សមត្ថកិច្ចបានចុះទៅកន្លែងកើតហេតុ ធ្វើការ​វាស់វែង​ និងយកម៉ូតូយកទៅរក្សាទុក​នៅអធិការដ្ឋាននគរបាលខណ្ឌមានជ័យ ដើម្បីរង់ចាំធ្វើការដោះស្រាយនៅពេលក្រោយទៀត៕

Loading...