Post News Media ព័ត៌មានជាតិ ផឹកស៊ីស្រវឹង ...

ផឹកស៊ីស្រវឹង ទាស់សម្ដីគ្នាកើតជាហិង្សា ៧នាក់ចូលប៉ុស្តិ៍ ឯម្នាក់ទៀតដេកពេទ្យ

បាត់ដំបង: ជនសង្ស័យចំនួន ៧នាក់ ត្រូវបានសមត្ថកិច្ចឃាត់ខ្លួន ជាប់ពាក់ព័ន្ធនឹងករណីហិង្សា កាលពីវេលា​ម៉ោង ០១ និង៣០នាទី​ថ្ងៃទី០១ ខែមករា ឆ្នាំ២០១៩ ត្រង់ចំណុច​ក្រុម០៦ ភូមិ​ច្រាប​វាល ឃុំ​អន្លង់​វិល ស្រុក​សង្កែ ខេត្តបាត់ដំបង។

ជនរងគ្រោះ​ឈ្មោះ ស្តើង រិទ្ធី ភេទ​ប្រុស អាយុ២០ឆ្នាំ រស់នៅ​ក្រុម០២ ភូមិ​ស្វាយ​ធំ ឃុំ​អូរ​ដំបង២ ស្រុក​សង្កែ ខេត្តបាត់ដំបង រងរបួស០៣កន្លែង ស្មា​ឆ្វេង ក្បាល និង​គល់​ម្រាម​ដៃស្តាំ។

សមត្ថកិច្ច បានឲ្យដឹងថា ករណីនេះ កើតទ្បើងដោយសារជម្លោះ​ក្នុង​វង់​ផឹកស៊ី បង្កជា​ករណី​ហិង្សា ជនសង្ស័យ​ចំនួន០៨នាក់ ព្រួត​គ្នា​វាយ និង​ទាញ​កាំបិត​កាប់លើជនរងគ្រោះ។

ក្រោយពេល​កើតហេតុ សមត្ថកិច្ច​បាន​ស្រាវជ្រាវ រកឃើញ​មុខសញ្ញា​ចំនួន០៨នាក់ ក្នុងនោះ​ជនដៃដល់ម្នាក់ ឈ្មោះ រ៉ា វិច្ឆិកា ហៅ​ឃីម ភេទ​ប្រុស អាយុ១៦ឆ្នាំ រស់នៅ​ភូមិ​អូរ​មុនី២ ឃុំ​អន្លង់​វិល ស្រុក​សង្កែ ខេត្តបាត់ដំបង និង​ដកហូត​បាន កាំបិត០១ដើម កាំបិត​កែឆ្នៃ។

ចំណែក​បក្ខពួក៧នាក់​ទៀត ទី១ ឈ្មោះ ញិម​ដា​រី ញ៉ែ​ល ភេទ​ប្រុស អាយុ១៦ឆ្នាំ ទី២ ឈ្នោះ​ហឿ​ប ជឿន ភេទ​ប្រុស អាយុ១៨ឆ្នាំ ដកហូត​បាន​កាំបិត០២ដើម កាំបិត​កែឆ្នៃ ទី៣ ឈ្មោះ ស្រេង លាង​ហាក់ ភេទ​ប្រុស អាយុ១៧ឆ្នាំ ទី៤ ឈ្មោះ វង្ស សា​វិ​ន ភេទ​ប្រុស អាយុ១៨ឆ្នាំ។ ទាំង០៥នាក់ រស់នៅ​ភូមិ​អូរ​មុនី២ ឃុំ​អន្លង់​វិល ស្រុក​សង្កែ ខេត្តបាត់ដំបង។

ទី៥ ឈ្មោះ រ៉ាត់ ឃីម ភេទ​ប្រុស អាយុ១៨ឆ្នាំ និងទី៦ ឈ្មោះ​ហូរ សខ​ហេង ភេទ​ប្រុស អាយុ១៩ឆ្នាំ។ ទាំ០២នាក់ រស់នៅ​ភូមិ​ស្វាយជ្រុំ ឃុំ​អូរ​ដំបង២ ស្រុក​សង្កែ ខេត្តបាត់ដំបង។ រីឯម្នាក់​ទៀត ​ឈ្មោះ​ វីត ភេទ​ប្រុស អាយុ​ប្រហែល២០ឆ្នាំ រស់នៅ​ស្រុក​បាណន់ ខេត្ត​បា​ដំបង (ឃាត់​មិនបាន)

ជនសង្ស័យ​ខាងលើ ត្រូវបាន​សមត្ថកិច្ច​ចាប់​ឃាត់ខ្លួន​បាន នៅ​ថ្ងៃទី០២ ខែមករា ឆ្នាំ២០១៩ វេលា​ម៉ោង១០-២០នាទី។

បច្ចុប្បន្ន ជនសង្ស័យ និង​វត្ថុតាង ត្រូវ​សមត្ថកិច្ច​ជំនាញ កសាង​សំណុំរឿង​បញ្ជូនទៅ​សាលាដំបូង​ខេត្ត ដើម្បី​ចាត់ការ​បន្ត តាម​និតិ​វិធី​ច្បាប់៕

Loading...