កោះកុង: កាលពីវេលាម៉ោង១រសៀល ថ្ងៃទី០៣ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍រវាងម៉ូតូនិងម៉ូតូ បើកបរក្នុងទិសដៅស្របគ្នា ពីលិចទៅកើត នៅចំណុចកំពង់ម្រែង ស្ថិតក្នុងភូមិសាលាម្នាង ឃុំបឹងព្រាវ ស្រុកស្រែអំបិល ខេត្តកោះកុង។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញមានម៉ូតូមួយគ្រឿងម៉ាកWave ពណ៌ខ្មៅ គ្មានស្លាកលេខ ជិះគ្នា២នាក់ បើកបរដោយឈ្មោះ ទី ខឿន ភេទប្រុស អាយុ២៦ឆ្នាំ មានទីលំនៅភូមិដីក្រហម ឃុំដងពែង ស្រុកស្រែអំបិល(រងរបួសធ្ងន់) និងអ្នករួមដំណើរម្នាក់ទៀតពុំមានរងរបួសទេបានបុកនឹង ម៉ូតូ ឌ្រីមសេ១២៥ ពណ៌ខ្មៅ ពាក់ស្លាកលេខ ភ្នំពេញ1FN-7141 បើកបរដោយឈ្មោះ អៀង អុំ ភេទស្រី អាយុ៦៥ឆ្នាំ មានទីលំនៅភូមិ-ឃុំកើតហេតុខាងលើ រងបួសធ្ងន់។
មូលហេតុ ម៉ូតូឌ្រីមបត់ឆ្វេងកាត់មុខ នឹងម៉ូតូវ៉េវ ដោយបើកបរក្នុងស្ថានភាពល្បឿនលឿន។
ជនរងគ្រោះ ត្រូវបានយកទៅសង្រ្គោះនៅមន្ទីពេទ្យបង្អែកស្រុកស្រែអំបិល និងនៅមន្ទីពេទ្យឯកជន(ពេទ្យសូនី)។
បច្ចុប្បន្ន វត្ថុតាងទាំង២គ្រឿងយកមករក្សាទុកនៅអធិការដ្ឋាន ដើម្បីរង់ចាំការដោះស្រាយ៕
មតិយោបល់