Post News Media ព័ត៌មានជាតិ លោកចោរកំពូលឆក...

លោកចោរកំពូលឆក់អស់លក្ខណ៍ម្នាក់ ឆក់កាបូបស្ត្រីម្នាក់ បានសម្រេចដួលខ្ទេចមុខ ពេលនេះជាប់ខ្នោះរបស់សមត្ថកិច្ចហើយ

បាត់ដំបង: កាលពីថ្ងៃទី៧​ ​ខែ​មករា​ ឆ្នាំ​២០១៩​ ដោយអនុវត្តតាមបទបញ្ជារបស់លោក ឧត្តមសេនីយ៍ទោ​ អ៊ុច​ សុខុន​ ស្នងការនៃស្នងការដ្ឋាននគរបាលខេត្តបាត់ដំបង​ លោក ឧត្តមសេនីយ៍ត្រី​ ជេត​ វណ្ណនី​ ស្នងការ​រងទទួលផែនការ​ងារ​ព្រហ្មទ័ណ្ឌបានដឹកនាំកម្លាំងនគរបាលជំនាញក្នុងផែនធ្វើការស្រាវជ្រាវ​និងបង្រ្កាបករណី (លួចមានស្ថានទម្ងន់ទោស )ឆក់កាបូប​ មួយករណីដែលបានកើតឡើងកាលពីថ្ងៃទី​៥​ ខែ​មករា​ ឆ្នាំ​ ២០១៩​ នៅចំណុចភូមិវត្តរំដួល​ សង្កាត់​ចម្ការសំរោង​ ក្រុងបាត់ដំបង​ ខេត្តបាត់ដំ​បង​ ។

ក្នុងនោះសមត្ថកិច្ចបានធ្វើការឃាត់ខ្លួនជនស័ង្សយបានម្នាក់ឈ្មោះ​ ឆុច​ វិន​ ភេទ​ប្រុស​ អាយុ​២៧​ឆ្នាំ​ រស់នៅភូមិវត្តលៀប​ សង្កាត់ចម្ការសំរោង​ ក្រុងបាត់ដំបង ដោយធ្វើការដកហូតបាន៖ ទូរស័ព្ទ​ដៃចំនួន​០២គ្រឿង , កាបូបចំនួន០១ (ជារបស់ជនរងគ្រោះ) និងម៉ូតូចំនួន០១គ្រឿង​(ជាមធ្យោបាយជិះធ្វើសកម្មភាព)។

រីឯជនរងគ្រោះឈ្មោះ​ សារី​ ភេទស្រី​ អាយុ​៣៦ឆ្នាំ​ រស់នៅភូមិព្រែកតាច្រែង​ ឃុំព្រែកនរិន្ទ​ ស្រុកឯកភ្នំ​ ខេត្តបាត់ដបង​ ត្រូវបាននគរបាលប្រគល់សម្ភារ:ជូនវិញ។

ចំណែកជនសង្សយនិងវត្ថុតាងពាក់ព័ន្ធផ្សេងទៀត ត្រូវបានសមត្ថកិច្ចកសាង​សំណុំរឿងបញ្ជូនខ្លួនទៅកាន់សាលាដំបូងខេត្តបាត់ដំបង ចាត់ការតាមផ្លូវច្បាប់៕