ភ្នំពេញ: កាលពីវេលាម៉ោង១០និង៥០នាទីយប់ ថ្ងៃទី០៦ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តស៊េរីទំនើបមួយគ្រឿង បើកបុកខឿនពុះចែកទ្រូងផ្លូវ ខូចខាតអស់២ផ្ទាំង នៅតាមបណ្ដោយផ្លូវសហព័ន្ធរុស្ស៊ី ទល់មុខប្រលានយន្តហោះអន្តរជាតិភ្នំពេញ ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
រថយន្តបង្កម៉ាកឡិចស៊ីស RX-330 ពណ៌ទឹកមាស ពាក់ស្លាកលេខ ភ្នំពេញ 2AI-9268បើកបរដោយបុរសម្នាក់ និងអ្នករួមដំណើរ២នាក់ទៀត។
ក្រោយពេលកើតហេតុ រថយន្តបង្កត្រូវបានជំនាញចរាចរណ៍ខណ្ឌពោធិ៍សែនជ័យ បានប្រគល់ឲ្យជំនាញចរាចរណ៍នៃការិយាល័យចរាចរណ៍ផ្លូវគោករាជធានីភ្នំពេញ ធ្វើការវាស់វែង និងស្ទូចរថយន្តយកទៅរក្សាទុកដើម្បីរង់ចាំការដោះស្រាយ៕
មតិយោបល់