Post News Media ព័ត៌មានជាតិ លួចម៉ូតូនៅ​ចំ...

លួចម៉ូតូនៅ​ចំណតទុកម៉ូតូផ្សារទំនើបអ៊ីអន ត្រូវសមត្ថកិច្ចឃាត់ខ្លួន!

ភ្នំពេញ: សមត្ថកិច្ចប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យ​២នាក់ ត្រូ​វបានពាក់ព័ន្ធ ករណីអំពើលួច(លួចយកម៉ូតូ) នៅ​ចំណតទុកម៉ូតូផ្សារអ៊ីអន ផ្លូវ១០០៣ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោង១០និង១០នាទី យប់ថ្ងៃទី០៧ ខែមករា ឆ្នាំ២០១​៩​។

ជនសង្ស័​យខាងលើទី១មានឈ្មោះ សំ រិទ្ធ ភេទប្រុស អាយុ៣៥ឆ្នាំ ជនជាតិខ្មែរ មុខរបរបកឡានតាក់ស៊ី ស្នាក់នៅបន្ទប់ជួលលេខ៤ ផ្លូវបេតុង សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ (គ្មានសារធាតុញៀន) និងទី២ឈ្មោះ ហេង សំណាង ភេទប្រុស អាយុ២៥ឆ្នាំ ជនជាតិវៀតណាម មុខរបរជាងធ្វើសោ​ ស្នាក់នៅផ្ទះជួលលេខ៤ ផ្លូវ១៦៤ សង្កាត់បឹងកក់១ ខណ្ឌទួលគោក រាជធានីភ្នំពេញ(គ្មានសារធាតុញៀន)។

ចំណែកជនរងគ្រោះមាន ឈ្មោះ ស៊ាម ហុងសាត ភេទប្រុស អាយុ២៣ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឯកជន ស្នាក់នៅបន្ទប់ជួល ​សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

សម្ភារ:បាត់បង់ រួមមាន៖ ម៉ូតូ​១គ្រឿង ម៉ាកនិច ផលិតឆ្នាំ២០១២ ពណ៌ស ពាក់ស្លាកលេខ កណ្តាល1AA-3435។

សម្ភារ:បន្សល់ទុក ៖ ឧបករណ៍ធ្វើសកម្មភាពលួចម៉ូតូមួយចំនួន ,ទូរសព្ទ័ដៃចំនួន​៣គ្រឿង​, រថយន្ត​១គ្រឿង កាមរីបាឡែន ពណ៌ស ផលិតឆ្នាំ២០០២ ពាក់ស្លាកលេខភ្នំពេញ2D-9910។

តាមរបាយការណ៍សមត្ថកិច្ចបានបញ្ជាក់ថា មុនពេ​លកើតហេតុជនរងគ្រោះបានជិះម៉ូតូរប​ស់​ខ្លួនចេញពីផ្ទះនៅសង្កាត់ជ្រោយចង្វារ ​ម​កធ្វើការនៅផ្សារអ៊ី​អន២ ដោយបានទុកម៉ូតូនៅក្នុងចំណតម៉ូតូរបស់ផ្សារអ៊ីអន២ លុះដល់ម៉ោងកើតហេតុ ស្រាប់តែមានជនសង្ស័យចំនួន​៣នាក់ បានមកធ្វើសកម្មភាពលួចម៉ូតូរបស់ជនរងគ្រោះនៅចំណុចកើតហេតុ ដោយមានការសង្ស័យ សមត្ថកិច្ចយើងបានឃាត់ខ្លួនជនសង្ស័យបាន​២នាក់ យកមកធ្វើការសាកសួរនៅប៉ុស្តិ៍រដ្ឋបាលភ្នំពេញថ្មី ចំណែកបក្ខពួកជនសង្ស័យម្នាក់ទៀតមិនស្គាល់ឈ្មោះ បានគេចខ្លួន៕