Post News Media ព័ត៌មានជាតិ ជន​មិន​ស្គាល់...

ជន​មិន​ស្គាល់​អត្តសញ្ញាណ​៣​នាក់​ គាស់​បង្អួច​ និង​កាត់​សោ​ទ្វារ​ ចូលលួចទ្រព្យសម្បត្តិ​ ក្នុង​បន្ទប់​រោងចក្រ

កំពង់ឆ្នាំង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យ​៣​នាក់​ មិន​ស្គាល់​អត្តសញ្ញាណ​បាន​គាស់​បង្អួច​និង​កាត់​សោ​ទ្វារ​ ចូល​ក្នុង​បន្ទប់​រោងចក្រ​ ហើយ​បាន​លួច​យក​កុំព្យូទ័រ​ laptop​ យួរដៃ​ ១​គ្រឿង​ ។​

​តាម​របាយការណ៍​នគរបាល​ស្រុក​កំពង់ត្រឡាច​ នៅ​ថ្ងៃ​ទី​១១​ ខែមករា​ ឆ្នាំ​ ២០១៩​ ចន្លោះ​ម៉ោង​១​ដល់​ម៉ោង​៣​និង​០០​នាទី​រំលង​អ​ធ្រា​ត្រ​ នៅ​ចំណុច​រោងចក្រ​ត្រី​ប៉ូ​ស្ត​ ស្ថិត​ក្នុងភូមិ​ច្រក​រមៀត​ ឃុំ​ ឈូកស​ ស្រុក​ កំពង់ត្រឡាច​ មាន​ករណី​អំពើ​លួច​កើតឡើង​១​លើក​ បង្ក​ឡើង​ដោយ​ជនសង្ស័យ​៣​នាក់​ មិន​ស្គាល់​អត្តសញ្ញាណ​បាន​គាស់​បង្អួច​និង​កាត់​សោ​ទ្វារ​ចូល​ក្នុង​បន្ទប់​រោងចក្រ​ ហើយ​បាន​លួច​យក​កុំព្យូទ័រ​ laptop​ យួរដៃ​ ១​គ្រឿង​។​

​បច្ចុប្បន្ន​កម្លាំង​ជំនាញ​នគរបាល​យុត្តិធម៌​កំពុង​ស្រាវជ្រាវ​រក​ជនសង្ស័យ​បង្ក​ខាងលើ ​ដើម្បី​កសាង​សុំ​រឿង​តាម​នីតិវិធី​ច្បាប់​៕