ផ្ទះ ព័ត៌មានជាតិ Update៖ ជនសង្...

Update៖ ជនសង្ស័យ​ប្លន់​ស្រី​ស្អាត​នៅផ្ទះ​សំណាក់​បៃតង​ ជា​ឧក្រិដ្ឋជន​ជួញដូរ​គ្រឿងញៀន​

0

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យ​ម្នាក់​ ប្លន់​ស្រី​ស្អាត​នៅផ្ទះ​សំណាក់​បៃតង​ ដែល​មាន​អា​ខោ​ន​ហ្វេ​ស​ប៊ុ​ក​ឈ្មោះ​ Tii​ Fee​ (​ឥទ្ធិពល​នៃ​ផ្សែង​គីមី​)​ ដែល​ជាប់​ដោយ​ ឥទ្ធិពល​នៃ​គ្រឿងញៀន​ កំពុង​រកស៊ី​ជួញដូរ​គ្រឿងញៀន​ និង​បក្ខពួក​ ត្រូវ​បាន​កម្លាំង​សមត្ថកិច្ច​ឃាត់ខ្លួន​បាន​ម្នាក់​ នៅ​ចំណុច​មុខ​ផ្ទះសំណាក់​សូ​រិ​យា​ ក្បែរ​សាលា​ខណ្ឌ​ពោធិ៍​សែន​ជ័យ ។​

​ជនសង្ស័យ​ឈ្មោះ​ ឌី​ណា​ ពុទ្ធិ​ស័​ក្ត​ ហៅ​ទី​ ភេទ​ប្រុស​ អាយុ​៣២​ឆ្នាំ​ ស្នាក់​នៅ​មិន​ពិតប្រាកដ​ តែ​បាន​ប្រើប្រាស់​ Account​ Facebook​ ឈ្មោះ​ Tii​ Fee​ (​ឥទ្ធិពល​នៃ​ផ្សែង​គីមី​)​ ជាប់​ពាក់ព័ន្ធ​ករណី​ប្លន់​ស្រី​ស្អាត​នៅផ្ទះ​សំណាក់​បៃតង​ ដែល​ធ្វើ​ឱ្យ​មានការ​ភ្ញាក់ផ្អើល​កាលពី​ប៉ុន្មាន​ថ្ងៃមុន​នោះ​ ពេល​នេះ​ ត្រូវ​បាន​កម្លាំង​សមត្ថកិច្ច​រាជធានី​ភ្នំពេញ​ បាន​ធ្វើការ​ស្រាវជ្រាវ​ និង​ចាប់ខ្លួន​បាន​ហើយ​ ។​

​តាម​សេច​កី្ត​រាយការណ៍​បាន​ឲ្យ​ដឹង​ថា​ ជនសង្ស័យ​ខាងលើ​នេះ​ ត្រូវ​បាន​ចាប់ខ្លួន​កាលពី​នៅ​យប់​ថ្ងៃ​ទី​១១​ ខែមករា​ ឆ្នាំ​២០១៩​ នៅ​ចំណុច​មុខ​ផ្ទះសំណាក់​សូ​រិ​យា​ ក្បែរ​សាលា​ខណ្ឌ​ពោធិ៍​សែន​ជ័យ​ ដោយ​កម្លាំង​សមត្ថកិច្ច​ ខណ្ឌ​ពោធិ៍​សែន​ជ័យ​ សហការ​ជាមួយ​កម្លាំង​ជំនាញ​នៃ​ការិយាល័យ​បទល្មើស​ព្រហ្មទណ្ឌ​រាជធានី​ភ្នំពេញ​ ។​

​ក្រោយ​ពី​ចាប់ខ្លួន​ជនសង្ស័យ​ក៏​សារភាព​ប្រាប់​សមត្ថកិច្ច​ថា​ រូបគេ​មានឈ្មោះ​ ឌី​ណា​ ពុទ្ធិ​ស័​ក្ត​ ហៅ​ទី​ ពិតជា​បាន​ប្រើ​ Account​ Facebook​ ឈ្មោះ​ Tii​ Fee​ (​ឥទ្ធិពល​នៃ​ផ្សែង​គីមី​)​ ដែល​បាន​បោក​នារី​រង​គ្រោះ​តាម​រយ:​ Facebook​ ឲ្យ​មក​ជួប​នៅផ្ទះ​សំណាក់​ និង​ភ្ជង់​ប្លន់​យក​ទ្រព្យសម្បត្តិ​នោះ​ពិតប្រាកដ​មែន​ ។​ ហើយ​សម្ភារ:​ដែល​ប្លន់​យក​បាន​ពី​នារី​រង​គ្រោះ​ រូបគេ​បាន​ប្រគល់​ឲ្យ​មិត្តភក្តិ​ឈ្មោះ​ ត្រា​ ឈ្មោះ​ឧត្តម​ ឈ្មោះ​ស្នា​ និង​ឈ្មោះ​ជា​ ទៅ​ដូរ​យក​គ្រឿងញៀន​មួយ​កញ្ចប់​ធំ​មក​ចែក​គ្នា​ជក់​ និង​លក់​បន្ត​អស់ហើយ​ ។​

​គួរ​បញ្ជាក់​ថា​ កាលពី​ម៉ោង​៧​យប់​ ថ្ងៃ​ទី​១​ មក​រា​ ២០១៩​ មាន​ករណី​ជនសង្ស័យ​ម្នាក់​ធ្វើ​សកម្មភាព​បោក​នារី​ស្រស់​ស្អាត​ មុខរបរ​លក់ទំនិញ​ Online​ ដែល​ជនសង្ស័យ​ និង​ជន​រង​គ្រោះ​ស្គាល់គ្នា​តាម​ការ​លេង​ Facebook​ ។​ ក្នុង​នោះ​ជនសង្ស័យ​បាន​ណាត់​ឲ្យ​ជន​រង​គ្រោះ​ទៅ​ជួប​នៅផ្ទះ​សំណាក់​បៃតង​ ដោយ​បោក​បញ្ឆោត​ថា​ ឱ្យប្រាក់​។​

​ទីបំផុត​នៅ​ពេល​ជន​រង​គ្រោះ​ទៅ​ដល់​ជនសង្ស័យ​ធ្វើ​សកម្មភាព​យក​កាំបិត​ភ្ជង់​ប្លន់​យក​គ្រឿងអលង្ការ​ ទូរស័ព្ទ​ដៃ​ អស់ពី​ខ្លួន​សរុប​ជា​ទឹកប្រាក់​ជាង​៣​ពាន់​ដុល្លារ​អា​មេ​រិ​ក​ និង​ធ្វើ​ឱ្យ​មានការ​ភ្ញាក់ផ្អើល​តាម​សង្គម​ហ្វេ​ស​ប៊ុ​ក​ជា​អំពើ​ប្លន់​ទៅ​វិញ​ ។​

​បច្ចុប្បន្ន​នេះ​ ជនសង្ស័យ​ត្រូវ​បាន​កម្លាំង​សមត្ថកិច្ច​រាជធានី​ភ្នំពេញ​កំពុង​បន្ត​នីតិវិធី​ និង​ស្រាវជ្រាវ​ស្វែងរក​ចាប់ខ្លួន​គូកន​ ដើម្បី​នាំ​មក​ទទួលទោស​តាម​ច្បាប់​៕

Loading...

Leave a Reply

This site uses Akismet to reduce spam. Learn how your comment data is processed.