រតនគិរីៈ មានករណីអគ្គិភ័យបានឆាបឆេះព្រៃរាលដាលឆេះដល់ចំការកៅស៊ូ និងចំការស្វាយចន្ទី បង្កការភ្ញាក់ផ្អើលនៅម៉ោង៦ ថ្ងៃទី១៣ ខែមករា ឆ្នាំ២០១៩ នៅចំណុចចំការកៅស៊ូកាតឿង ស្ថិតនៅភូមិសាយ៉ស់ ឃុំកាឡែង ស្រុកលំផាត់ ខេត្តរតនគិរី ។
សមត្ថកិច្ចបានឲ្យដឹងដា ម្ចាស់ចំការឈ្មោះ ស៊ន ប៉ុល ភេទប្រុស អាយុ៥០ឆ្នាំ ជនជាតិខ្មែរ មានទីលំនៅភូមិឃុំខាងលើ បណ្តាលឲ្យមានការខូចខាត ចំការកៅស៊ូ៣ហិកតា និងចំការចន្ទី២ហិកតា ។
ក្នុងនោះដែរ សមត្ថកិច្ចបានប្រើទឹកអស់១ឡាន និងសហការជាមួយរថយន្តកែច្នៃដឹកទឹករបស់ម្ចាស់ចំការធ្វើទើបអាចគ្រប់គ្រងស្ថានការណ៍បាន ។
ចំណែកមូលហេតុ បណ្តាលមកពីការឆេះរាលដាលមកពីភ្លើងព្រៃ ៕
មតិយោបល់