Post News Media ព័ត៌មានជាតិ ​​​ជាប់ពន្ធនា...

​​​ជាប់ពន្ធនាគារម្តងមិនរាង ចេញមកវិញចាប់រំលោភក្មេងស្រីទៀត ត្រូវសមត្ថកិច្ចចាប់វាយខ្នោះ!

សៀមរាប: កាលពីថ្ងៃទី១៤ ខែ មករា ឆ្នាំ ២០១៩​ កម្លាំងនគរបាលការិយាល័យប្រឆាំងការជួញដូរមនុស្ស​​ និងការពារអនិតិជននៃស្នងការដ្ឋាននគរបាលខេត្ត បានទទួលពាក្យបណ្តឹងពីឈ្មោះ​ ឡេ គឹមលាង​ ភេទស្រី អាយុ៣៨ឆ្នាំ​ ស្នាក់នៅភូមិវិហាចិន​ សង្កាត់ស្វាយដង្គំ​​ ក្រុងសៀមរាប​ ខេត្តសៀមរាប​ ត្រូវជាម្តាយជនរងគ្រោះ​អាយុ១២ឆ្នាំ​ ដែលត្រូវបានជនសង្ស័យឈ្មោះ ព្រំ សុខុម ភេទប្រុស អាយុ ៣៥ ឆ្នាំ នៅភូមិបឹងដូនប៉ា សង្កាត់ស្លក្រាម ក្រុងសៀមរាប​ ខេត្តសៀមរាប បានរួមភេទជាមួយកូនគាត់បានចំនួន៣ដង​។

ក្រោយពីទទួលពាក្យបណ្តឹងរួចកម្លាំងនគរបាលជំនាញ​យើងបានកោះហៅជនសង្ស័យមកសាកសួរជនសង្ស័យបានសារភាពថាខ្លួនបានជនរងគ្រោះពិតប្រាដកមែន។​
តាមការសាកសួរនិងជ្រាវជ្រាវរបស់កម្លាំងនគរបាលយើង បានឲ្យដឹងថា ជនសង្ស័យរូបនេះកាលពីឆ្នាំ២០១៣បានរំលោភបំពានផ្លូវភេទលើកុមារីម្នាក់នៅភូមិបន្ទាយចាស់រួចម្តងមកហើយៗត្រូវបានកម្លាំងនគរបាលការិយាល័យប្រឆាំងការជួញដូរមនុស្សនិងការពារអនិតិជនយើងបានចាប់បញ្ជូនទៅតុលាការ ទើបតែចេញពីពន្ធនាគារបានរយ:ពេល១ឆ្នាំ។

ក្នុងករណីនេះសមត្ថកិច្ចនគរបាលយើងបានប្រគល់ជនរងគ្រោះទៅឲ្យមន្ទីរសង្គមកិច្ចខេត្ត រីឯជនសង្ស័យកំពុងរៀបចំសំណុំរឿងបញ្ជូនទៅតុលាការខេត្តដើម្បីអនុវត្តតាមនីតិវិធីបន្ត៕