បន្ទាយមានជ័យៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំនគរបាលការិយាល័យព្រហ្មទណ្ឌកំរិតស្រាល ខេត្តសហការជាមួយកម្លាំងគរបាលក្រុងប៉ោយប៉ែត ឃាត់ខ្លួនជនជាតិចិនប្រុសស្រី១៥នាក់ នៅផ្ទះវីឡាមួយកន្លែង បានជួលទៅឲ្យជនជាតិចិន បើកបនល្បែងតាមអនឡាញខុសច្បាប់ ស្ថិតនៅចំណុចភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ហេតុការណ៍នេះបានកើតឡើងកាលពីល្ងាចថ្ងៃទី១៥ ខែមករា ឆ្នាំ២០១៩។
យោងតាមរបាយការណ៍ ពីការិយាល័យព្រហ្មទណ្ឌកំរិតក្រុងប៉ោយប៉ែត បានឲ្យដឹង ការចុះប្រតិបត្តិការបង្ក្រាបឃាត់ខ្លួនជនជាតិចិន បើកបនល្បែងតាមអនឡាញនេះ ក្រោមការដឹកនាំបង្ក្រាបផ្ទាល់ពី លោកឧត្តមសេនីយ៍ត្រី សិទ្ធិ ឡោះ ស្នងការរងទទួលការងារព្រហ្មទណ្ឌ និងព្រះរាជអាជ្ញារងអមសាលាដំបូងខេត្តបន្ទាយមានជ័យ លោក សុក កែវបណ្ឌិត អនុវត្តតាមដីកាអនុញ្ញាតឲ្យឆែកឆេរ របស់ប្រធានសាលាដំបូងខេត្តបន្ទាយមានជ័យ លោក ជឺ សុខ។
ជនជាតិចិនទាំង១៥នាក់ ដែលមកស្នាក់នៅជួលផ្ទះវីឡា បើកបនល្បែង តាមអនឡាញខុសច្បាប់ សមត្ថកិច្ចឆែកឆេរត្រួតពិនិត្យមាន កាន់លិខិតឆ្លងដែនប្រភេទការងារ ប៉ុន្តែគ្មានប័ណ្ណការងារនោះ និងដកហូតសម្ភារៈប្រើប្រាស់បំរើឲ្យការព្រឹត្តបទល្មើសអនឡាញមួយចំនួនធំផងដែរ ។
បច្ចុប្បន្ន ជនជាតិចិនទាំង១៥នាក់ សមត្ថកិច្ចបានចាប់បញ្ជូនមកកាន់ស្នងការដ្ឋាននគរបាល ខេត្តបន្ទាយមានជ័យ ដើម្បីយកមកសាកសួរ និងចាតការតាមផ្លូវច្បាប់៕
មតិយោបល់