ភ្នំពេញៈ ករណីគ្រោះថ្នាក់ចរាចរណ៍មួយ ដោយរថយន្តសណ្តោងកុងតឺន័រមួយគ្រឿង បានជ្រុលចង្កូតទៅកៀររថយន្តម៉ាក អូឌី Q7 បណ្តាលឲ្យរងការខូចខាត សំណាងល្អមិនមានអ្នករងរបួសនោះទេ។ ហេតុការណ៍នេះ កើតទ្បើងនៅវេលាម៉ោង៧ និង៣២នាទីយប់ថ្ងៃទី១៦ ខែមករា ឆ្នាំ២០១៩ នៅជិតផ្ទះ ឧកញ្ញា ថៃប៉ុនរ៉ុង ផ្លូវព្រះមុនីរ៉េត កែងនិងផ្លូវ៤៣០ សង្កាត់ទំនប់ទឹក ខណ្ឌចំការមន។
សមត្ថកិច្ចបានឲ្យដឹងថា មុនពេលកើតហេតុគេឃើញ រថយន្តម៉ាក អូឌី Q7 ស៊េរីឆ្នាំ២០១១ ពណ៌ខ្មៅ ពាក់ស្លាកលេខ ភ្នំពេញ 2AI 0787 បើកដោយបុរសម្នាក់ រួមដំណើរជាមួយនារីម្នាក់ ធ្វើដំណើរពីលិចទៅកើតតាមផ្លូវមុនីរ៉េត នៅពេលនោះ ក៏រថយន្តសណ្តោងកុងតឺន័រ ពណ៌ខៀវ ពាក់ស្លាកលេខ ភ្នំពេញ 3C 3152 បើកដោយបុរសម្នាក់ ធ្វើដំណើរស្របទិសគ្នា។ មកដល់ចំណុចកើតហេតុ រថយន្តសណ្តោងកុងតឺន័រ បានបួងចង្កូតបត់ស្តាំ ខ្វះការប្រុងប្រយត្ន័ ទើបបណ្ដាលឲ្យរថយន្តជ្រុលទៅកៀររថយន្ត ម៉ាកអូឌី Q7 រងការខូចខាត បាក់កញ្ចក់មើលក្រោយ និងកៀបជាប់និងរថយន្តកុងតឺន័រតែម្តង។
ក្រោយពេលកើតហេតុ សមត្ថកិច្ចបានចុះទៅកន្លែងកើតហេតុ រួចឲ្យភាគីទាំងសងខាង ធ្វើការសម្របសម្រួលគ្នា ដោយខាងរថយន្ត កុងតឺន័រសុខចិត្ត យករថយន្ត អូឌី ទៅជួសជុល ដើម្បីបញ្ចប់រឿង៕
មតិយោបល់