សៀមរាប: នៅវេលាម៉ោង២យប់រំលងអធ្រាត្រ ឈានចូលថ្ងៃទី១៩ ខែមករា ឆ្នាំ២០១៩ មានករណី គ្រោះថ្នាក់ចរាចរណ៍(បង្កដោយខ្លួនឯង) នៅលើផ្លូវជាតិលេខ៦ ភូមិសំរោងកញ្ចោច ឃុំឫស្សីលក ស្រុកជីក្រែង ខេត្តសៀមរាប។
រថយន្តម៉ាក Camry(ឆ្លាម) ផលិតឆ្នាំ១៩៩៧ ពណ៌ត្រីឆ្លូញ ពាក់ស្លាកលេខ ភ្នំពេញ 2I-2360 ប្រភេទទេសចរណ៍ អ្នកបើកបរឈ្មោះ អាន ស្រ៊ាង ភេទប្រុស អាយុ៣៦ឆ្នាំ ទីលំនៅភូមិអន្សងពង ឃុំកំពង់ក្តី ស្រុកជីក្រែង ខេត្តសៀមរាប ដឹកឈ្មោះ អ៊ុក ជាន ត្រូវជាប្រពន្ធ បណ្តាលឲ្យស្លាប់ប្តីនៅនឹងកន្លែង។
មូលហេតុ បើកបរស្ថិតក្នុងស្ថានភាពងងុយដេក។
ក្រោយពីកើតហេតុ កម្លាំងជំនាញបានចុះពិនិត្យនិងវាស់វែងកន្លែងកើតហេតុយកវត្ថុតាង ពាក់ព័ន្ធមករក្សាទុកបណ្តោះអាសន្ននៅអង្គភាព សពប្រគល់ឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់