Post News Media ព័ត៌មានជាតិ ​បុរសជនបរទេសម...

​បុរសជនបរទេសម្នាក់ ដេកស្លាប់ក្នុងបន្ទប់​ទឹក​​មុខ​សណ្ឋាគារ​ប៉ៃលិន ស៊ី ធី នៅក្រុងប៉ៃលិន!

​ប៉ៃលិន: កាលពី​វេលាម៉ោង ១៨ នឹង៤០នាទីយប់ ថ្ងៃ​សៅរ៍ ០៦រោច ខែបុស្ស ឆ្នាំ​ច សំរឹទ្ធិស័ក ព.ស២៥៦២ ត្រូវ​នឹង​ថ្ងៃ​ទី​២៦ ខែមករា ឆ្នាំ​២០១៩ មានករណី​ជនជាតិបរទេសម្នាក់ដួលស្លាប់ (ខ្យល់​គ) ក្នុង​បន្ទប់​ទឹក នៅទល់​មុខ​សណ្ឋាគារ​ប៉ៃលិន ស៊ី ធី ស្ថិត​ក្នុង​ភូមិ​អូរតាពុកលើ សង្កាត់​ប៉ៃលិន ក្រុងប៉ៃលិន ខេត្តប៉ៃលិន​។​
ជនរងគ្រោះមានឈ្មោះ MAYHEW PHILIP JAMES SEBASTIAN ភេទ ប្រុស អាយុ ៦៩ឆ្នាំ ជនជាតិ អង់គ្លេស​ សញ្ជាតិ អាមេរិកាំង​។​
​ម្ចាស់​ផ្ទះ​ឈ្មោះ សួ រឹទ្ធូ ភេទប្រុស អាយុ ៤៤ឆ្នាំ មុខ​របរ លក់​នំប៉័ង មាន​ទីលំនៅ​ក្នុង​ភូមិឃុំកើតហេតុខាងលើ។

ក្រោយ​កម្លាំង​ជំនាញ​ធ្វើការ​កោសល្យវិច័យ​រួច បាន​បញ្ជាក់​ថា ជនរងគ្រោះ​ពិតជា​ស្លាប់​ដោយ​សារខ្យល់​គពិត​ប្រាកដ​មែន​។​ បច្ចុប្បន្នសាកសពជនរងគ្រោះត្រូវបានរថយន្តសង្គ្រោះបន្ទាន់ របស់​មន្ទីរពេទ្យ​បង្អែក​ខេត្តប៉ៃលិន ដឹក​យក​ទៅ​រក្សា​ទុក​រង់ចាំ​សាច់ញាតិ​មកទទួល​យកទៅ​ធ្វើ​បុណ្យ​តាម​ប្រពៃណី​៕