ព័ត៌មានជាតិ

កុំធ្វេសប្រហែសឲ្យសោះ! ម្តាយរវល់បោកខោអាវមួយភ្លែត កូនស្រីអាយុ៣ឆ្នាំលង់ទឹកស្លាប់…

បន្ទាយមានជ័យ: លោកវរសេនីយ៍ឯក ជា ស្លូញ អធិការស្រុកស្វាយចេក បានប្រាប់ Post News ថា នៅ​​​វេលាម៉ោង១០និង៣០​នាទី​​ព្រឹក ​ថ្ងៃទី២៨ ខែមករា ឆ្នាំ២០១៩ មានករណីក្មេងស្រីម្នាក់លង់ទឹកស្លាប់ នៅ​ទឹកស្រះខាងកើត ឈៀងខាងត្បូងផ្ទះជនរងគ្រោះ ចម្ងាយ​ប្រមាណ​៥០​ម៉ែត្រ នៅភូមិបន្ទាត់បោះ ឃុំតាផូ ស្រុកស្វាយចេក ខេត្តបន្ទាយមានជ័យ។

​ជនរងគ្រោះឈ្មោះ ឡាំ ម៉ាឡៃ ភេទ​​ស្រី អាយុ​៣​ឆ្នាំ មានឪពុក​ឈ្មោះ អឿ លួត អាយុ​៤០ឆ្នាំ និងម្ដាយឈ្មោះ លន់ លឺម អាយុ​៤០ឆ្នាំ មានទីលំនៅភូមិ​ឃុំកើតហេតុ។

មូលហេតុ ម្ដាយ​រវល់បោក​ខោអាវ ឲ្យកូននៅលេង​ជាមួយកូនអ្នកភូមិ​ជាមួយគ្នា លុះ​ប្រហែល​១ម៉ោង​ក្រោយ ក្មេងដែល​លេងជាមួយប្រាប់កូនខ្លួន លង់ទឹកស្លាប់ ក៏ស្រែកហៅ​បងប្អូន​មកជួយ​រក ក៏ហើញ​សព​កូនខ្លួន បានស្លាប់បាត់​ទៅហើយ​។

ក្រោយពេលកើតហេតុ សមត្ថកិច្ចបានចុះទៅដល់កន្លែង​កើតហេតុ ធ្វើការពិនិត្យ​សាកសព ក៏ឃើញថា ជនរងគ្រោះពិតជា​ស្លាប់ដោយសារ​លង់ទឹកប្រាកដ​មែន រួចបានប្រគល់​សព​ជូនក្រុមគ្រួសារ​យកទៅធ្វើបុណ្យតាមប្រពៃណី៕

មតិយោបល់