កំពង់ស្ពឺ: លោកយាយ មានអាយុ ១១៦ឆ្នាំ កំពុង តែរស់នៅក្នុងស្ថានភាពលំបាកជាមួយកូនប្រុសពៅអាយុ ៧៤ឆ្នាំ និងកូនប្រសារអាយុ ៧២ឆ្នាំនោះ ទទួលបានការជំនួយសង្គ្រោះជាបន្តបន្ទាប់ ពីសប្បុរសជន ដើម្បីរួមចំណែកដោះស្រាយបញ្ហាជីវភាពរស់នៅប្រចាំថ្ងៃ ។
លោកយាយ ប៉ែន រី អាយុ ១១៦ឆ្នាំ ដែលមានទីកន្លែងកំណើត នៅភូមិត្រពាំងស្វាយ ឃុំកក់ ស្រុកគងពិសី ខេត្តកំពង់ស្ពឺ នានៅថ្ងៃទី១៩ ខែកុម្ភ: ឆ្នាំ១៩០០ ដែលបច្ចុប្បន្នមានទីលំនៅនៅភូមិជ័យថ្មី ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ នេះបើតាមតាមសំបុត្រកំណើតដែលចេញដោយមន្ត្រីអត្រានុកូលដ្ឋាន ដែលសព្វថ្ងៃនេះ ជីដូនចាស់មានសុខភាពរឹងមាំ កាន់ឈើច្រត់ដើរបានធម្មតា កំពុងរស់នៅជាកូនប្រុសពៅមានឈ្មោះ ស៊ឹម សឿន អាយុ ៧២ឆ្នាំ និងកូនប្រសារ អាយុ ៧១ឆ្នាំ។ ចំណែកកូនចំនួន ០២នាក់ទៀតបានស្លាប់ អស់ទៅហើយដោយសារ ជរា ក្នុងអាយុជាង ៨០ឆ្នាំក្នុងម្នាក់ៗ។
អំណោយនេះ ត្រូវលោកតា ស៊ឹម សឿន ក្រុមការងារមនុស្សធម៌ នាំយកគ្រឿងឧប្បភោគ បរិភោគផ្តល់ជូនតាមរយ:ក្រុមការងារ ចលនាយុវជន ១៥៧ និងក្រុមសម្ព័ន្ធយុវជនស្រឡាញ់សន្តិភាព ខេត្តកំពង់ស្ពឺ។ អំណោយ មានដូចជា៖ អង្ករ ,ទឹកដោះគោ ,ត្រីខ ,មី ,ថ្នាំសង្កូវ , និងគ្រឿងឧបភោគ បរិភោគ មួយចំនួនទៀត ផ្តល់ជូន លោកយាយ ដែលកំពុងរស់នៅជាមួយកូនពៅ និងកូនប្រសារចាស់ ដើម្បីជាការជួយដោះស្រាយបញ្ហាលំបាក ក្នុងជីវភាពរស់ផងដែរ។
អាជ្ញាធរស្រុកភ្នំស្រួច បាននិយាយថា លោកយាយ ប៉ែន រី មានអាយុ ១១៦ឆ្នាំនោះ អាជ្ញាធរ និងក្រុមការងារបានយកយកចិត្តទុកដាក់ ចុះសាកសួរសុខទុកជាញឹកញាប់ តាមរយ:ក្រុមការងារគណបក្សប្រជាជន សប្បុរសជន ជិតឆ្ងាយបានផ្តល់ជាបន្តបន្ទាប់។ ក្នុងនោះអាជ្ញាធរក៏បានអំពាវនាវរកជំនួយសប្បុរសធម៌ គ្រប់ទីកន្លែង ដើម្បីជួយដល់ដល់ក្រុមគ្រួសារលោកយាយដែលកំពុងរស់នៅក្នុងស្ថានភាពលំបាក និងចាស់ជរាទាំងម្តាយកូនបែបនេះ៕
មតិយោបល់